Hargeysa (Dawan) Wasiir ku-xigeenka wasaaradda waxbarashada iyo Sayniska Somaliland, ayaa xafiiskiisa ku qaabilay wefti ka socday Jaamacadda Farsamada gacanta ee dalka Itoobiya oo muddo 10 cisho ah ku sugna gudaha dalka Somaliland.
Weftigan ayaa muddadii ay joogeen waxaa ay kulamo kala duwan la qaateen, dugsiyada Farsamada gacanta iyo Jaamacadaha dalka.
Waftigan ayaa kulankoodii u danbeeyay xafiiskiisa kula qaatay wasiir ku xigeenka mudane Cabdixakiin Siciid Bustaale, isla markaana warbixintii Kormeerkoodana siiyay.
Intaa kadibna Wasiir ku-xigeenku Waxa uu guddoonsiiyay hadyado ay wasaaradda waxbarashadu ugu talo gashay weftigaa, weftigan ayaa booqashadaasi iyo kulamadaasi kadib u anbabaxay dalkoodii hooyo.
Somaliland waxaa aad ugu yar goobaha lagu barto farsamada gacanta, taasina waxa ay u baahan tahay baraarugsanaan.
