Karine Gombeau oo u dhalatay dalka Faransiiska aadna u naxariis badnayd ayaa sanadkii 2014 iyadoo ka soo baxday huteel ay ka soo qaadatay raashin Pizza ah , la kulantay nin derbi jiif ah oo raashin xashiishka lagu soo daadiyay cunaya.
Markiiba intay ku baydhay ayay siisay raashinkii ay sidatay iyadoo wejigeeda uu ka muuqdo sida uu dareenkeedu isu bedelay markii ay aragtay ninka waayeelka ah ee xashiishka quudanaya.
Laakiin maalintii labaad ee ku xigtay iyadoo wadada maraysa ayaa gabadhi u yeedhay waxayna ku tidhi :” Saaka sawirkaaga ayaan ku arkay wargeyska adigoo miskiin xashiishka raashin ka cunaya u naxariistay oo quudiyay isla markiibana siiyay raashinkii aad sidatay”.
Waxayna Karine Gombeau tidhi: “ waa run shalay ayay ahayd oo goorma la igu sawiray”. Gabadhii oo hadalkeeda sii wadata ayaa tidhi “, laakiin ninkaasi muu ahayn miskiin wuxu ahaa jilaaga caanka ah ee Richard Gere oo 62 jir ah isla wakhtigaasina wuxu ku jiray hawsha duubista filim uu metelayay”. Sidaasi ayaad adiguna ugu biirtay kooxdii filimka metelaysay adigoon is ogayn”.