Badhan (Dawan) Guddida Gurmadka abaaraha ee Heer qaran ayaa deeq biyo ah gaadhsiiyey deegaanka Dhanaha ee degmada Badhan.
Deeqdan biyaha waxa deegaankaas gaadhsiiyey Xoghayaha degmada Badhan Cali Axmed Barre, waxaanu sheegay in deegaannada gobolka Badhan ay gaadhsiinayaan biyo dhaamiskii ay u soo qoondeeyeen Guddida gurmadka abaaraha ee heer qaran.
Xoghayaha degmada Badhan Cali Axmed Barre wuxuu sheegay in Xukuumadda Somaliland aanay waxba ka hagranaynin sidii ay biyo iyo raashinba u gaadhsiin lahaayeen deegaannada gobolka Badhan.
Odayaal iyo waxgaradka deegaanka Tuulada Dhanaha ayaa uga mahadceliyey Madaxweyne ku-xigeenka iyo guddida gurmadka abaaraha.