Wajaale(Dawan):-Wasiirka Gaadiidka iyo Horumarinta jidadka Cabdirisaaq Ibraahim Maxamed Ataash ayaa shalay soo kormeeray dhismaha waddada Berbera Coridor ee isku xidhaysa Kalabaydh illaa Wajaale.
Cabdirisaaq Ibraahim Maxamed Ataash ayaa sheegay in Waddada Berbera Coridor ay tahay kuwa ugu tayada fiican ee laga dhiso adduunka,
Wasiirka oo ka hadlayay Arimahaa.Waxa uu yidhi”Ujeedada Socdaalkayagu0 waxa uu ahaa in aanu kaantaroolno tayada Waddada,waxaanu qaranka u igmaday hawlaha iyo dhismaha ka socda wadadan gudida Berbera Coridor oo uu innagala joogo Eng Ciise Xamari.waddadani waa kuwa ugu tayada fiican ee la dhiso adduunka dhisaynka iyo nashqada lagu dhisayaa waa mid dhamaystiran,”.
Maayarka Magaalada Gabilay Maxamed Aamiin Cumar Cabdi oo isna ka hadlay dhismaha waddada ayaa yidhi. Waxa ay ka mid tahay wadadani Waddooyinka ugu muhiimsan Somaliland,wadadan waa waddo aad iyo aad tayo u leh waana guulaha qaranka maalinba maalinta ka dambaysa ku tallaabsanayo.waana idiinka mahadcelinayaa Wasiir booqashadan aad ku timid,”.
Sidoo kale Mareeyaha Wakaalada Horumarinta Waddooyinka Mawliid Nuux Ibraahim ayaa sheegay qaybta wadada Saddexaad ee wadada Berbera Coridor ay isku xidhi doonto Kalabaydh ilaa Wajaale.Waxaana uu yidhi”Qaybta koowaad waxa ay ka bilaamataa Haleeya ilaa Macaaneeye qaybta labaad waxa ay ka bilaamataa Macaaneeye ilaa Berbera.
qaybtan saddexaadna ee Wadada Berbera Coridor waxa ay ka bilaamataa Kalabaydh ilaa Wajaale,”.
Dhinaca kale Wasiirka Gaadiidka iyo Horumarinta Jidadka iyo Guddoomiyaha Degmada Wajaale Cabdiraxmaan Yuusuf
ayaa xadhiga ka jaray Wado laga hirgaliyay Magaalada Wajaale.