Hargeysa (Dawan) Wasiirka Wasaarada Horumarinta Caafimaadka Somaliland Xasan Maxamed Cali Gaafaadhi ayaa shalay kala wareegay qalabka Sifaynta Kalyaha Ururka Shirkadaha soo dajiya Dawooyinka.
Munaasibad Shalay lagu qabtay Wasaarada Caafimaadka oo Wasiiku Kula Wareegayay qalabkan Sifaynta Kalyaha ayaa waxa ka soo qayb galay Wasiirka Wasaarada Caafimaadka Xasan Maxamed Cali Gaafaadhi Guddoomiyaha Ururka Shirkadaha soo dajiya Dawooyinka Yuusuf Ducaale Barre xubno ka tirsan Ururka iyo Agaasime Waaxeedyada Wasaaradaas.
Wasiirka Wasaarada Horumarinta Caafimaadka Xasan Maxamed Cali Gaafaadhi ayaa waxa uu in hore uga wadahadleen xubno ka tirsan Ururka Shirkadaha soo dajiya Dawooyinka in ay gacan ka gaystaan qalabka lagu sifeeyo Kalyaha.Waxaana uu yidhi”Ururka Duwa ee ay ku bahoobeen Ganacsatada soo dajiya Dawooyinka oo deeqdan aanu ka gudoomayno ee kalyaha lagu sifeeyo,muddo laga joogo ilaa Saddex toddobaad ayaanu xubno ka mida Ururka ku kulanay Xafiiskayga.waxa aan usoo bandhigay madaama oo ay yihiin Ganacsatadii Dawooyinka in ay la gudboon tahay, waxyaabaha aadka u dhibka badan in wixii ay ka gaysan karayaan ka gaystaan sida qalabka Sifaynta Kalyaha oo kale,”.
Sidoo kale Guddoomiyaha Ururka Shirkadaha soo dajiya Dawooyinka Yuusuf Ducaale Barre
oo hadal ka jeediyay halkaas ayaa waxa uu sheegay in qalabkan Kalyaha loogu sifayn doono dadka Bukaanka.Waxaana uu yidhi”Deeqdan oo ka kooban 85 Kartoon waana labo aytam oo mid kiiba yahay Kun yunit,waxa loogu talo galay qalabkan in dadka kalyaha loogu sifeeyo ee Bukaanka,”.