Waxa dunida weli yaab ku ah sababta ay khubarada Sayniska iyo kuwa falsafaddu ay naftooda iyagu u galaaftaan iyagoo bulshada caan ka dhex noqday, aqoona soo kordhiyay.
Mr. Kelly Wuxu ahaa khabiir hubka Bailojiga ah oo u dhashay dalka Ingiriiska kana tirsanaa wasaaradda gaashaandhigga ee Ingiriiska. Khabiirka Kelly waxa kale oo uu ka mid ahaa xubnihii qaramada midoobay u xulatay Ciraaq sanadkii 1994-1999, si ay usoo baadhaan hubka halista ee Sadaam Xuseen lagu eedeeyay in uu haysato.
Waraysi uu la yeeshay saxafiga BBC Anthony Gilgen oo ku saabsana shakiga iyo been-abuurka Pentagon ee hubka Ciraaq iyo warbixinta burburinta ah ayaa ku abuurtay Mr.Kelly dhibaatooyin niyadjab ah oo si nafsaanaya ugu dhacay. Bishii July 17, sanadkii 2003 ayaa maydkiisa laga helay guri u dhow Oxfordshire. Baadhis rasmi ah (Official reports) oo lagu sameeyay ayaa muujisay inuu qaatay 29 kiinin xanuun biiye (painkiller) waxaana uu sababay inuu gooyo hawlabaha bidix ee jidhkiisa, isaga oo nolosha si aad ah u nacay oo kiraahiyaystay isla markaana doorbidayay in uu dhinto. Kelly waxa uu dhashay sanadkii 1944.
Mr.Valery Legasov isaguna waa Khabiir Saynisyahan oo dalka Ruushka u dhashay waxaana uu lahaa aqoon ku xeel dheer cilmiga chemisteriga, isla markaana wuxu xubin ka ah Akaadamiga sayniska ee Ruushka. Waxa uu dhashay sanadkkii 1936, si cad ayuu uga hadli jiray halista uu leeyahay hubka Atomic.
Wuxu ka mid ahaa xubnaha guddi loo doortay inay soo baadhaan qaraxii hubka halista ee 1986 ka dhacay Torshabil ee Ruushka, isagoo ka soo diyaariyay warbixin halista hubkaasi. Laakiin arintaasi aya keentay in dawladdu ka cadhooto kana saarto liiska dad loogu talo galay in la siiyo biladda geesinimada ee Ruushka. Mr.Valery Legasov waxa la sheegay in markii uu ku jiray baadhista qaraxii Torshible ee Ruushka ka dhacay 1986, uu soo gaadhay shucaaca Nuyucliyeerka , taasi oo ku keentay niyad jab uu xakamayn kari waayo. Waxaana la sheegay in 27 Abril sanadkii 1988 uu is dilay. Nolosha qiimaha ay leedahay waa Iimaanka, haddii qofku waayo xaqiiqda nolosha si kasta oo uu maal iyo magac u yeesho waxba dhadhan uma samaynayso, waxana uu noqdaa qof ay ka hor imaynaso nolosha uu badhaadhaha ka gaadhay.