Caynaba(Dawan):-Guddoomiye ku Xigeenka Gobolka Saraar Abokor Shide Cali ayaa xadhiga ka jaray dhisme cusub oo loo dhisay Xafiiska Gobolka Saraar ee Wasaarada horumarinta Caafimaadka oo laga hirgaliyay Magaalada Caynaba.
Guddoomiye ku Xigeenka Gobolka Saraar, ayaa uga mahadnaqay Wasaarada Horumarinta Caafimaadka hirgalinta dhismahaas,
Abokor Shide Cali oo hadal ka jeediyay xadhig ka jaristii dhismaha,ayaa yidhi.”Waxa aynu isugu nimi xafladii xadhig ka jarista Xafiiska Gobolka Sararaar ee Wasaarada horumarinta Caafimaadka waxaanan u mahad celinayaa Wasiirka Wasaarada horuamrinta Caafimaadka iyo Agaasimaha guud ee Wasaaradaas intii aan joogay Gobolka Saraar wax badan ayaa noo qabsoomay waxaanu gacan wayn naga siiyey Wasiirka Wasaarada Caafimaadka sidii kor ugu soo qaadi lahayn Caafimaadka Gobolka waxa kale oo nala saqeeyay isu duwanaha Wasaarada Caafimaadka ee Gobolka Saraar oo si wada jira aanu u wada shaqaynaynay,xannaanooyinkiina way shaqaynayaan.”
Isu duwaha Wasaarada Horumarinta Caafimaadka Gobalka Saraar Cali Nuur Xaaji Cabdi oo hadal ka jeediyay halkaas ayaa soo dhaweeyay xaruntan cusub ee loo dhisay gobalkaas.
Sidoo kale Taliyaha qaybta Booliska Gobolka Saraar Gaashaanle dhexe Mursal Xaaji Warsame oo isaguna halkaa ka hadlay ayaa sheegay in ka Boolis ahaan ay kala shaqayn doonaan Isuduwanaha Wasaarada Caafimaadka ee Gobolka wixii ay u baahdaan..