Hargeysa (Dawan):-Ciidanka Dabdamiska Caasimadda Hargeysa, ayaa ku guulaystay daminta dab ka kacay guri ku yaalla xaafadda Geed Goble ee caasimadda Hargeysa.
Guriga dabku ka kacay ee ciidanka dab-damisku u gurrmaday guriga,ayaa ku guulaystay in ay badbaadiyaan guriga qaybihiisa kala duwan iyo dadkii ka ag dhawaa ba.
Dabkan ayaan u gudbin qolalka kale ee guriga iyo agabkii yaallay.Ma jirin dhimasho iyo dhaawac dabkaasi sababay, sababta dabkaa kicisayna waxaa gacanta ku haya baadhisteeda ciidanka booliska.
Dhankooda ciidanka Booliska ayaa hawlgalkan kala qayb qaatay ciidanka Dab-demiska.
Ciidanka dabdamiska magaalada Hargeysa ayaa inta badan ku hawlan badbaadinta nolosha dadka iyo duinyada.