Tuulada Huaxi waxay ku taalla bariga gobolka Jiangsu ee dalka Shiinaha waxayna noqotay tuulada dadka ku nooli ay taajirin yihiin. Tuuladan waxa ku nool dad gaadhaya 2000 qof , laakiin qof kasta celcelis ahaan waxa baanka u yaalla lacag dhan $ 143000 doller. Heerkulka magaaladan ayaa gaadha 130C. Magaaladan waxa loo yaqaana magaalada koowaad ee samada ka hoosaysa. “Number One Village under the Sky”
Dadka tuuladan usoo guura ayay maamulayaasha magaaladani siiyaan guri weyn oo aad u qurux badan oo cusub iyo gaadhi. Laakiin qofkaasi iskaga noqdo tuulada waa laga celiyaa labadaba. Magaaladan yar oo ah dhul beereed xeeb ah oo aad u qurux badan ayaa dhaqaale ahaan saraysa.
Marinka tuuladan la galow waxa ku yaalla boodh weyn oo ay ku qoran tahay “ Tuulada koowaad ee Samada Hoosteeda” oo ah tuulada dunida ugu horaysa. Waxaana magacan u bixiyay maamulaayasha magaaladan.
Tuuladan ayaa caan noqotay sanadkii 2003 ka dib markii dhaman warbaahinta dunida iyo wargeysayda caanka ahi ay soo bandhigeen koritaankeeda dhaqaale oo gaadhay 14.5 billion oo doller sanadkii iyo dadka ku nool oo noqday kuwo qani ah oo aanay jirin deegaan dadka ku nooli ay sidan u wada taajireen.