Madaxweyne Vladimir Putin wuxuu hadda u xukumaa Ruushka si aan loola tartamin. Qaar badan oo ka mid ah codadka xasaasiga ah ee mar ka hadli jiray xukunka Putin ayaa tan iyo markaas lagu qasbay in ay debeda u cararaab, halka kuwa kale ee ka soo horjeedana la xidhay – ama xaaladaha qaarkood la dilay.
Putin oo in ka badan labaatan sano madax kaga taagnaa xubnaha ka horjeeda ayaa markii uu bilaabay duullaankiisii Ukraine bishii Febraayo 2022, waxa uu burburiyey dhammaan mucaaradkii Ruushka.
Bilowgii xukunkiisa madaxweyne Putin, waxa uu u keenay inuu cidhibtiro kuwa loo yaqaano oligarchs-ka awoodda badan ee Ruushka, kuwaas oo ah dad qaniga ah ee leh hammi siyaasadeed.
Mikhail Khodorkovsky , oo mar madax ka ahaa shirkadda weyn ee Shidaalka ee Yukos, ayaa la xidhay 2003-dii, waxaana uu 10 sano ku qaatay xabsi iyada oo lagu eedeyey canshuur lunsi iyo xatooyo kaddib markii uu maalgeliyay xisbiyada mucaaradka. Markii la sii daayeyna, wuxuu ka tagay Ruushka.
Boris Berezovsky , oo ah oligarch ama maal qabeen kale oo xitaa gacan ka geystay in Putin uu xukunka qabto – ayey isku dhaceen markii dambe waxaana uu ku dhintay musaafuris UK 2013 ,iyada oo la sheegay inuu is dilay.
Dhammaan warbaahinta muhiimka ah ee Ruushka waxay si tartiib tartiib ah u hoos galeen xukunka dawladda ama waxay ku dhaceen khadka rasmiga ah ee Kremlin.
Alexei Navalny
Ilaa hadda ninka ugu caansan mucaaradka Ruushka hadda waa Alexei Navalny , kaas oo uu Putin xidhay isaga oo ku eedeeyey inuu ceebeeyey boqollaal kun oo qof uuna ku hogaamiyey dagaalkiisa, gardarada ah”.
Bishii Agoosto 2020, Navalny waxaa lagu sumeeyay waxlaha loo yaqaan Novichok, oo dareemayaasha waxyeesha sida lagu sheegay warbixin militariga, xilligaa waxa uu u safrayay Siberiya. Kaasi waxa uu ahaa weerar uu ku dhawaaday in lagu dilo, waxaana ay noqotay in loo duuliyo Jarmalka si loogu soo daweeyo.
Ku soo laabashadiisa Ruushka bishii Janaayo 2021 si kooban ayuu u galbiyay mudaaharaadayaasha mucaaradka, laakiin isla markiiba waxaa loo xidhay khiyaano iyo quudhsi maxkamadeed. Hadda waxa uu ku qaadanayaa sagaal sano oo xabsi ah, waxaana sheekadiisa laga sameeyey filim dukumeenti ah oo ku guuleystay Oscar.
Sanadihii 2010-yadii Navalny waxa uu si firfircoon ugu lug lahaa isu soo baxyo ballaaran oo dowladda looga soo horjeeday iyo waxyaabo badan oo kashifay gaariga siyaasadeed ee ugu weyn Navalny, Aasaaska La-dagaallanka Musuqmaasuqa (FBK), ayaa soo jiitay malaayiin aragtiyo online ah. Sannadkii 2021-kii aasaaska ayaa laga mamnuucay inuu yahay xagjir, Navalny wuxuu si isdaba joog ah u diiday eedeymaha musuqmaasuqa oo uu ku tilmaamay mid siyaasadeysan.
Qaar badan oo ka mid ah asxaabtiisa ayaa la kulmay cadaadis uga yimid adeegyada amniga, qaarna waxay u carareen dibadda, oo ay ku jiraan madaxii hore ee FBK Ivan Zhdanov , qareenkiisii hore ee FBK Lyubov Sobol iyo inta badan.
Ninka gacanta midig ee Navalny Leonid Volkov ayaa ka tagay Ruushka markii kiis lacag dhaqid ah lagu bilaabay isaga sanadkii 2019.
Mucaaradka dagaalka
Midka kale ee muhiimka ah ee Putin dhaleeceeya ee ka dambeeya baararka Ruushka waa Ilya Yashin , kaas oo si weyn u dhaleeceeyay dagaalka Ruushka. Muuqaal toos ah oo laga sii daayay Youtube-ka bishii Abriil 2022 , ayuu ku booriyay in la baaro dembiyada dagaal ee suurtagalka ah ee ay geystaan ciidamada Ruushka, wuxuuna madaxweyne Putin ku tilmaamay “Kawaanlihii ugu xumaa ee dagaalkan”.
Daawashada tooska ah ayaa keentay in sideed sano iyo badh lagu xukumo jabinta sharciga ka dhanka ah faafinta “xog been ah oo ula kac ah” oo ku saabsan ciidanka Ruushka. Sharciga ayaa si degdeg ah loo mariyay baarlamaanka waxyar kadib markii Ruushku uu ku duulay Ukraine 24kii Febraayo 2022.
Yashin waxa uu siyaasadda ku soo biiray sannadkii 2000 isaga oo 17 jir ah, waana sannadkii uu Putin xukunka qabtay.
Vladimir Kara-Murza oo ah Saxafi wax ku bartay Cambridge iyo dhaqdhaqaaqe Dimuquraadiyada ayaa laba jeer noqday dhibbanaha sunta dahsoon ee ka dhigtay inuu koomo galo 2015 ka dibna 2017. Waxa la xidhay Abriil 2022 ka dib dhaleeceyn uu u jeediyay duulaanka Ruushka ee Ukraine, iyo lagu eedeeyay la wadaaga “warar been abuur ah” oo ku saabsan milatariga Ruushka, abaabulida hawlaha “urur aan loo baahnayn” iyo khiyaano sare. Qareenkiisa ayaa sheegay in hadii lagu helo dambiga lagu helay uu wajihi doono ilaa 25 sano oo xadhig ah.
Qaar badan oo kale waxay ku dhinteen xabsiga sida Sergei Magnitsky , kaas oo ahaa qareen.
Si kasta oo ay ahaataba waxa uu leeyahay Ninka qoray Maqaalkan Mucaarida Putin xilligan waxa u bannaan Xadhig, Sun iyo in ay dalka cararaan, waayo Putin oo uu ku socdo dagaalka Ukraine Naxariis uma hayo mucaaridka.