Hargeysa(Dawan)Wasaarada Horumarinta Caafimaadka ayaa daahfurtay kulan lagaga hadlayo Xeerka qabyo qoraaalka Naasnuujinta.
Agaasimaha guu ee Wasaarada Horumarinta Caafimaadka Dr.Maxamed Cabdi Xergeeye oo hadal ka jeediyay furitaankii kulankan ayaa waxa uu sheegay muhiimada uu qaranka u leeyahay Xeerka Naasnuujinta.
Waxaana uu yidhi”Xeerkan qabyo qoraaalka Naasnuujinta ahmiyad weyn ayuu u leeyahay qaranka, Wasaarada Caafimaadka waxa ay dareensantahay ahmiyada uu leeyahay xeerkani.sida aynu ogsoonahay Caruur badan ayaa u dhimata oo u geeriyoota xanuunka shubanka,waxaaana loo aanaynayaa waxa sababa isticmaalka Masaasada.waxaaana aad loo dareensanyahay faa,iidada uu leeyahay Naasnuujinta lixda bilood ee hore. waxaana xeerkani muhiim u yahay in aynu dhiirigalino Naasnuujinta lixda bilood ee ugu horeeya, anigana agaasime ahaan muhiimad weyn ayay ii leedahay in aan dhiirigaliyo Naasnuujinta.waxaana halkan ka cadaynaynaa in Wasaarada Caafimaadka dhiirigalinayso xeerkan.waxaana uga mahad celinaynaa cid kasta oo nagala soo shaqaysay Xeerka Naasnuujinta,waxaaana ay soo gaadhay xiligii aan nu qaadan lahayn dhamaystirka Xeerkan iyo horgaynta Golaha Wasiirada iyo Golaha Wakiilada iyo faafintiisa waana in aynu bilowno olale aynu ku dhiirigalinayno Naasnuujinta,”.