Shaqo la’aanta dhalinyarada ee Shiinaha ayaa gaadhay heerkii ugu sarreeyay iyada oo dib u soo kabashada dhaqaalaha ee waddanku ay sii yaraanayso.

Heerka shaqo la’aanta ee da’doodu u dhaxayso 16 ilaa 24 sano ee magaalooyinka ayaa kor u kacay boqolkiiba 21.3% bishii hore, sida ay muujinayaan tirooyinka rasmiga ah.

Waxay timid iyada oo dhaqaalaha labaad ee adduunka ugu weyn uu kordhay 0.8% kaliya saddexdii bilood ee la soo dhaafay ilaa dhamaadka Juun.

Falanqeeyayaasha ayaa sheegaya in xawaaraha daciifka ah ee kobaca uu kor u qaaday rajada laga yaabo in mas’uuliyiintu ay dhawaan ku dhawaaqaan tallaabooyin cusub oo lagu kobcinayo dhaqaalaha.

Xafiiska Tirakoobka Qaranka Shiinaha ayaa sheegay in xogta “ay muujisay dardar wanaagsan oo soo kabasho ah”.

Sida laga soo xigtay tirooyinka rasmiga ah ee la sii daayay Isniintii, dhaqaalaha Shiinaha ayaa kordhay 6.3% rubuci labaad sanad kasta. Waxa ay dhaaftay kobaca rubuci hore balse waxa ay seegtay filashadii la filayey.

“Niyad jabku wuxuu si gaar ah uga muuqdaa iibka tafaariiqda iyo maalgashiga guryaha,” Qian Wang, oo ah madaxa dhaqaalaha Asia Pacific ee shirkadda maalgashiga ee Vanguard, ayaa sidaa sheegay.

“Tani, oo ay weheliso ganacsigii hore, sicir-bararka iyo warbixinnada deymaha, ayaa dib u xaqiijiyay aragtidayada in korriinka kobaca ee hoose uu weli yahay mid aad u liita,” ayay raacisay.

Baahida caalamiga ah ee badeecadaha Shiinaha ayaa si weyn hoos ugu dhacay. Waxa kale oo jira walaac ku saabsan bixinta deynta dawladda hoose iyo suuqa guryaha.

Shaqo abuurka dhalinyarada ayaa waxaa si dhow isha ugu haya dhaqaalayahanada iyada oo 11.58 milyan oo arday oo ka qalin jabiyay jaamacado la filayo inay galaan suuqa shaqada ee Shiinaha sanadkan.

Heerka shaqo la’aanta dhalinyarada magaalooyinka ayaa kor u kacday dhowr bilood. Tan waxa u sabab ah arrimo ay ka mid yihiin is-maan-dhaaf u dhexeeya waxa ardayda qalin jabisay ee loo tababaray inay qabtaan iyo shaqooyinka hadda jira.

Maamulka ayaa qirtay in shaqo la’aanta dhalinyarada ay u badan tahay inay sii wadi doonto inay kor u kacdo bilaha soo socda, ka hor inta aysan gaarin heerkii ugu sarreeyay Agoosto.

Dhallinyarada shaqo la’aanta ah ayaa ah 1.4% kaliya ee awoodda shaqada ee magaalooyinka Shiinaha, Dan Wang, oo ah madaxa dhaqaalaha ee Hang Seng Bank China ayaa qiyaasay.

Si kastaba ha ahaatee, waxa la sheegay in arrinta shaqo la’aanta dhalinyarada “ay u baahan tahay jawaabo toos ah oo siyaasadeed, sababta oo ah kooxdan dadweynaha ayaa si aad ah ugu hadasha internetka.”

Shiinaha ayaa bilaabay daabacaadda tirooyinka shaqo la’aanta dhalinyarada 2018. Si kastaba ha ahaatee, balse may sii dayn xogta heerka shaqo ee dhalinyarada ee miyiga.