In ka badan 10 milyan oo Thailand ah ayaa daawayn u soo doontay goobaha caafimaadka iyaga oo ka cabanaya cudurrada la xidhiidha wasakhowga hawada sanadkii tegay ee 2023, mas’uuliyiinta ayaa sidaas sheegay.
Xogtan oo faafiyeen golaha loo soo gaabiyo (NESDC) oo ah Golaha horumarinta arrimaha bulshada iyo Dhaqaalaha ee Qaranka ayaa timid iyada oo tayada hawada Thailand ay ka sii darayso.
Gubashada baahsan ee beeraha iyo dabka kaymaha, gaar ahaan waqooyiga dalka, ayaa badanaa abuura qiiq xun bilowga sanadka.
Bilawga 2024 ayaa durba la arkay kor u kaca kiisaska cudurada la xidhiidh wasakhowga marka loo eego sanadkii hore.
Laga soo bilaabo 1.3 milyan sagaalkii toddobaad ee ugu horreeyay 2023, tirada dadka u raadsanaya daawaynta cudurrada wasakhowga la xidhiidha waxay korodhay 1.6 milyan bilawgii 2024, AFP ayaa werisay. Thailand waxa ku nool ilaa 72 milyan.
Kiisaska waxaa ka mid ah kuwa qaba xaalado dabadheeraad ah sida kansarka sanbabada, boronkiitada, neefta, iyo cudurrada wadnaha.
Thailand waa inay “mudnaan siisaa… saamaynta caafimaadka bulshada”, ayay tidhi NESDC.
Walxaha ka dhasha Wasakhowga hawada oo lagu qiyaaso PM, ayaa maraya PM 2.5 waa qaybo yaryar oo halis ah – oo leh dhexroorka 2.5 mikromitir ah ama ka yar – kuwaas oo geli kara marinnada dhiigga yar yar ee sambabada.
Soo-gaadhista walxahan wasakhaysan waxay sababi karaan gubasho iyo cuncun indhaha iyo maqaarka, iyo sidoo kale qufac iyo laabta oo adkaata.
Calaamadahaan waxaa laga yaabaa in loo kordhiyo kuwa hore u lahaa xaaladaha wadnaha ama sambabada.
Qaar ka mid ah magaalooyinka waqooyiga Thailand ayaa lagu tilmaamaa inay yihiin kuwa ugu wasakhaysan .
Wasakhowga hawada Thailand waa dhibaato inta lagu jiro xilliga qalalan – kaas oo caadiyan socda Noofambar ilaa Maarso – inta badan waxaa sabab u ah gubasho xilliyeedka oo ka yimaada beeralayda oo nadiifinaya beerahooda sonkorta iyo bariiska.
Horraantii sanadkan, Ra’iisul Wasaare Srettha Thavisin ayaa ballan qaaday inay hagaajinayso tayada hawada. Xildhibaanada ayaa sidoo kale ansixiyay hindise sharciyeedka looga gol leeyahay in wax looga qabto dhibaatada.
Toddobaadkii hore, waddanku wuxuu ku dhawaaqay qorshayaal lagu daabulayo 30 diyaaradood oo waddanka oo dhan ah si ay u abuuraan abuurka daruuraha si ay u dhaliyaan roobka oo ay u yareeyaan wasakheynta.
Bishii Febraayo, mas’uuliyiinta Bangkok waxay ku booriyeen shaqaalaha inay ka shaqeeyaan guriga laba maalmood iyadoo heerarka wasakhda ee magaalada caasimadda ah iyo gobollada ku xeeran ay gaareen heerar aan caafimaad qabin.
Sanadihii la soo dhaafay, dadka deegaanka iyo kooxaha deegaanka ee Thailand ayaa sidoo kale gudbiyay dacwooyin ay ku dalbanayaan in dawladdu tallaabo ka qaado wasakhowga.