Kuuriyada Koonfureed iyo Shiinaha ayey ka dhex taagan tahay

0
45

Kuuriyada Koonfureed ayaa ka hadashay arrimo ay ka mid yihiin Taiwan iyo badda Koonfurta Shiinaha oo xiisadi ka taagan tahay, taasna waxa aad u dhibsaday Shiinaha oo sheegay in aanay arrimahaa ka hadli jirin Seoul.

Waxa ka sii daran markii ay Kuuriyada Koonfureed Taiwan ku marti qaaday ka qeybgalka Shirweynihii Dimuqraadiyadda oo lagu soo gabagabeeyay Seoul Arbacadii. Wasiirka arrimaha Dijital ah ee Taiwan Audrey Tang ayaa si toos ah u hadlay Isniintii, isaga oo ka hadlay khatarta ka dhalan karta weerarrada internetka ee doorashooyinka adduunka oo dhan.

Munaasabadda waxaa loo qabtay si loo “kor u qaado dimoqraadiyadda” oo aan loola jeedin in lagu bartilmaameedsado waddan gaar ah,” afhayeenka Wasaaradda Arrimaha Dibadda ee Kuuriyada Koonfureed Lim Soo-suk ayaa ku sheegay shir jaraa’id Salaasadii. Lim Soo waxa uu sheegay in aanay isbedelin siyaasaddii Kuuriyada Koonfureed ee Shiinaha.

Afhayeenka Wasaaradda Arrimaha Dibadda Shiinaha, Lin Jian, ayaa Isniintii shir jaraa’id ka sheegay in Beijing “ay si adag uga soo horjeestay in Kuuriyada Koonfureed] ay ku casuunto Taiwan dhacdada.

Shir jaraa’id oo hore oo uu qabtay 12-kii Maarso, afhayeenka Wasaaradda Arrimaha Dibadda Shiinaha Wang Wenbin wuxuu ku booriyay Kuuriyada Koonfureed inay ka fogaato mowqif ka dhan ah Shiinaha oo ku saabsan badda Koonfurta Shiinaha iyo inay “ka fogaato inay ku darto culeys aan loo baahnayn” xidhiidhkooda laba geesoodka ah.

Isaga oo hadalkiisa sii wata waxa uu yidhi Seoul โ€œwaxa ay bedeshay mawqifkeedii caqli-galnimada iyo dhex-dhexaadnimada ahaa ee ay sannado badan ku dhegganayd oo ay shiinaha ku eedaysay arrimaha badda Koonfurta Shiinaha marar badan.

Kuuriyada Koonfureed Lim ayaa shir jaraa’id oo uu qabtay 7-dii bishii Maarso ku sheegay in Seoul ay “aad uga walaacsan tahay” maraakiibta ilaalada xeebaha Shiinaha ooย  biyo kulul u isticmaalaya markabka Philippineย oo ay badda isku hayaan, taas ay ku tilmaamtay ficil kor u qaadayo xiisadda gobolka.

Hadalka Kuuriyaย  ayaa laga soo dhaweeyay Taiwan, halkaas oo afhayeenka Wasaaradda Arrimaha Dibadda Jeff Liu uu VOA ugu sheegay toddobaadkan in wasaaraddu ay muujinayso mahadnaq dalal ay ka mid yihiin Kuuriyada Koonfureed oo la wadaagay walaaca ay ka qabaan xaaladda badda Koonfurta Shiinaha.

Wuxuu sii waday, Taiwan “waxay taageertaa xorriyadda socdaalka iyo duulista hawada ee badda Koonfurta Shiinaha.”

Marka laga hadlayo ka qaybgalka Taiwan ee shir madaxeedka, Liu wuxuu VOA u sheegay inay noqotay “jawaabkii caadiga ahaa ee Shiinaha” ee ka soo horjeeda Taiwan mar kasta oo ay “firfircoon tahay, caan ah, la aqoonsan yahay, ama sharaf caalami ah.” Shiinuhu waxa uu u arkaa jasiiradda Taiwan oo iskeed isu maamusho gobol ka mid ah.

Robert Manning, oo ah xubin sare oo ka tirsan Xarunta Stimson Center’s Reimagining US Strategy Project, ayaa Arbacadii u sheegay VOA-da email ahaan in hadalada Shiinaha ee ku boorinaya Seoul inay ka fogaadaan inay culays aan loo baahnayn ku soo kordhiyaan xidhiidhkooda laba geesoodka ah “ay u muuqato khatar dhuuban oo ka sida ay Koonfurta Kuuriya uga hadlayso arrimaha caalamiga ah ee keliya ma aha kaliya Badda Koonfurta Shiinaha.