Markii uu aqoon yahanku ka gudbay imtixaankii hore aya loo sheegay inuu geli doono waraysi (Interview) si go’aankii ugu danbeeya looga gaadho inuu ku guulaysto jagada maamulaha ee shirkadda ka banaan.
Waxa uu ahaa aqoonyahn aad u dhisan, gudoomiyaha shirkadda markii uu arkay natiijada imtixaanka uu keenay iyo Cv-ga iyo natooyinka imtixaanadiisa ilaa heer jaamacaeed, ee uu soo gudbiyay aad ayuu ula yaabay heerka aqoontiisa. Markii uu la kulmay wuxu weydiiyay su’aalahan:
“Miyay jirtaa deeqo waxbarasho oo aad wax ku baratay”? , wuxu ku jawaabay Maya. Haddana waxa uu weydiiyay “ Ma aabaha ayaa ka bixin jirin kharashka waxbarasho?.
Waxaana uu ku jawaabay aabahay wuxu dhintay anagoo hal sano jiray.
Hooyaday ayaa iga bixin jirtay.
Gudoomiyaha: Hooyada maxay qaybataa ? Aqoonyahanka: Hooyaday dharka ayay dadka u maydhaa. Gudoomiyha: Adigu Miyaad la maydhaa? Aqoonyahan: Maya, ma ogola waxay igu tidhaa adigu casharkaaga akhriso.
Gudoomiyaha: Caawa iyada gacmaheed u maydh ka dibna subax beri ah ii kaalay. Aqoonyahankii ayaa habeenkii hooyadii u maydhay gacamaheeda waxase uu ogaaday in gacamaheedu ay noqdeen kuwo adkaaday oo dhib weyni ka muuqato.
Habeenkii ayuu ka maydh dharkii intii hadhsanayd isagoo ogaaday dhibtaada hooyadii haysatay.
Subixii ayuu u galay guddomiyaha isagoo weli dareemaya hooyadii. arinkii ayuu u sheegay iyo sida uu isu bedelay markii uu ogaaday gacmaheeda isbedelka ku dhacay. Gudoomiyaha aya ku yidhi : Hadda waa aanu ku qaadanay shaqadii Maamulaha adigoo dareemaya inaad ku heshay dadaalkii hooyadaaa ku gelisay.