Madaxwaynaha Maraykanka Joe Biden ayaa dooddiisii telefishinka laga sii daayay todobaadkii hore ee uu la galay Trump ay liidatay waxaanay ka nixisay xisbiga Dimuqraadiga waxaana ay dhalisay dood ku saabsan cidda ku tartami karta booskiisa haddii uu ka tanaasulo.
Inkasta oo isbeddelka noocaas ah aan hadda la fileyn, haddana waxa uu abuuri doonaa dagaal fool xun ka dhex dhaca xisbiga Dimuqraadiga bilo ka hor codbixinta.
Dimuqraadiyiinta ayaa muujiyay cabsida iyo shakiga laga qabo musharaxnimada Biden, taas oo dhalisay dood badan oo ku saabsan in 81-jirka uu yahay qofka saxda ah ee la tartami kara Trump bisha November.
Haddaba waxaa jira siyaabo badan oo lagu bedeli karo Biden gudaha xisbiga, laakiin bilo kaliya ayaa ka hadhay codbixinta, fursadaha uu Biden ku bixin karo waa kuwo aad u yar. Laakiin haddii ay dhacdo, waxaa jira dhowr musharrax oo suurtagal ah inay buuxiyaan doorkiisa. Waxaana ka mid ah:
Madaxweyne ku xigeenka hadda Kamala Harris.
Madaxweyne ku xigeenka Kamala Harris, oo hore ugu jirtay xulka, waa door muhiim ah oo muuqda.
Madaxweyne ku xigeen ahaan, waxay noqotay wajiga maamulka Biden ee dhaqdhaqaaqa Roe v. Wade.
Harris, oo caddeysay inay tahay saaxiib daacad u ah Biden, ayaa si adag u difaacday waxqabadkiisa dooddii ugu horreysay, iyadoo qiratay ka dib in madaxwaynuhu uu “ku bilowdey qaab deggenaan ah” laakin waxa ay ku ammaantay Biden inuu bixiyay jawaabo la taaban karo oo ka badan Trump.
“Waxaad ka doodi kartaa qodobada, laakin ugu dambeyntii waxa cidda madaxweynaha noqoneysa go’aaminaya doorashada,” ayay u sheegtay CNN Khamiistii.
Madaxweyne ku-xigeen ahaan, Kamala Harris waa la yaqaan, laakiin waxa ay dhibsatay qiimaynteeda hoose ee oggolaanshaha muddada xilkeeda.
Marka loo eego xogta laga helay website-ka codbixinta ee FiveThirtyEight (538), Harris celceliska oggolaanshaha ra’yi ururinta waa 39% kaliya, laakiin 49% dadka Maraykanku ma taageeraan iyada.
Waqtigeeda muhiimka ah ee ka hor tartanka suurtogalka ah ee madaxweynenimada ayaa iman doona marka bahwadaagta BBC-da iyo CBS ay qaban doonaan dood madaxweyne ku-xigeenka hor Shirweynaha Qaran ee Dimuqraadiga ee Agoosto.
Gretchen Whitmer, Guddoomiyaha Michigan.
XIGASHADA
Gretchen Whitmer, oo laba jeer xilka qabatay, ayaa sumcad ku dhex leh xisbiga Dimuqraadiga Midwestern, kuwaas oo saadaaliyay inay u tartami doonto madaxtinimada 2028-ka.
Waxay mar ka qayb qaadatay ololihii Biden, mana aanay qarin hankeeda siyaasadeed.
Waxay u sheegtay The New York Times inay jeclaan lahayd inay aragto madaxweynaha xisbigeeda sanadka 2028, laakiin may soo jeedin inay noqon doonto qofkaas.
Guddoomiyaha California Gavin Newsom
XIGASHADA
Gavin Newsom waa mid ka mid ah afhayeennada ugu adag ee maamulka Biden. Wuxuu inta badan ka soo muuqdaa wararka iyo faallooyinka isaga oo amaanaya Biden.
Laakiin Newsom waxa uu leeyahay tixgalin siyaasadeed oo u gaar ah.
Waxa had iyo jeer lagu tiriyaa inuu yahay musharraxa doorashada 2028, laakiin hoggaamiyeyaal badan oo dimuqaraadi ah ayaa durba u arka inuu yahay beddel xooggan oo Biden ah.
Xoghayaha Gaadiidka Pete Buttigieg
XIGASHADA
Hamiga Pete Buttigieg ee ah in uu u tartamo madaxweyne ma aha mid qarsoon.
Waxa uu ku tartamay ololihii madaxtinimada ee 2020 waxaana lagu tiriyaa inuu yahay xidhiidhiyaha ugu fiican ee maamulka Biden.
Waxa uu wax ka qabtay tiro xasarado dadweyne ah intii uu ahaa Xoghayaha Gaadiidka, oo ay ku jiraan khadka tareenka Bariga Falastiin ee Ohio, buundada Baltimore oo burburtay, iyo dhibaatadii duulimaadka ee Koonfur-galbeed ee 2022.
Guddoomiyaha Gobolka Pennsylvania Joshua Shapiro
Ogolaanshaha Joshua Shapiro ayaa weli ah mid sare ka dib doorashadiisa 2022. Pennsylvania waa gobol muhiim ah oo uu Trump si dirqi ah ugu guuleystay 2016.
Shapiro waxa uu hore u soo noqday xeer ilaaliyaha guud ee gobolka waxaana uu wax ka qabtay arrimaha labada dhinac intii uu xilka hayay.
Shaqadiisii deg-degga ahayd ee sannadkii hore ee dib-u-dhiska waddada weyn ee Philadelphia ka dib markii ay burburtay waxay ku guulaysteen dareenka qaranka waxayna ahayd guul weyn oo siyaasadeed markii ugu horeysay ee guddoomiyenimada.
Hagaajinta deg-degga ah waxay dad badani u arkaan inay tahay meesha ugu habboon ee laga hadlo kaabayaasha dhaqaalaha ee musharraxa madaxweynenimada 2028.
Jay Robert Pritzker, Guddoomiyaha Gobolka Illinois
Pritzker waxa uu sare u qaaday caannimadiisa sanadihii ugu dambeeyay isaga oo aflagaadeeyay Trump isla markaana difaacay Biden.
Dhaxal sugaha maalqabeenka ah ee Hyatt Hotels ayaa si deg-degg ah u dhaleeceeyay qoraalada baraha bulshada ee Trump.
Kadib dooddii ugu horeysay ee telefishinka laga sii daayay, waxa uu Trump ku tilmaamay mid been abuur badan, waxa uuna sheegay in uu yahay dambiile 34 dacwadood ah oo naftiisa kaliya daneeya.
Si la mid ah Guddoomiyaha Michigan Whitmer, Pritzker waxa uu leeyahay rikoor raad-raac ah oo lagu hirgelinayo ajendaha horumarka ee Xisbiga Dimuqraadiga, sida ilmo iska soo rididda iyo xakamaynta hubka.
Beddelka kale ee suurtagalka ah?
Maaddaama Xisbiga Dimuqraadigu uu si qoto dheer ugu daray kursigiisa murashaxiinta mustaqbalka ee madaxweynenimada, liiska beddeli kara Biden ayaa ka sarreeya shakhsiyaadkan.
Guddoomiyaha gobolka Kentucky Andy Beshear ayaa soo jiitay dareenka qaranka ka dib markii uu ku guuleystay laba xilli oo dimuqraadi ah gobol qoto dheer oo muxaafid ah.
Guddoomiyaha gobolka Maryland Wes Moore ayaa bilihii la soo dhaafay aad loo hadal hayay ka dib burburkii buundada Francis Scott Key.
Senatarrada Federaalka Amy Klobuchar iyo Cory Booker ayaa sidoo kale inta badan la sheegaa. Labaduba waxa ay hore uga qaybqaateen ololayaal madaxtinimo waxayna sumcad gaar ah ku leeyihiin xisbiga Dimuqraadiga.
Waxaa sidoo kale jira Senetarka Georgia Raphael Warnock, kaasoo ku guuleystay doorashooyinkii gobollada muhiimka ah oo sidoo kale loo arko inuu yahay beddelka suurtagalka ah ee Biden.