Hargeysa (Dawan) Wasiirka wasaaradda degaanka iyo isbedelka cimilada Somaliland Marwo Shukri Xaaji Ismaaciil Baandare’ ayaa daahfurtay kulan lagaga hadlayay siyaasada ilaalinta degaanka badda, waxaana kulankan oo daba socday kulamo hore ka qayb galay wasaaraddaha ay wasaaradda wada shaqaynta leeyihiin, jaamacadaha, ururada bulshada, shirkadaha ka ganacsada kalluunka, aqoonyahan iyo marti sharaf kale.
Marwo Shukri Baandare ayaa sheegtay inay mihiim tahay sidii tallada la isugu geynlahaa helitaanka siyaasad meelmara, oo lagu maamulo laguna soo saaro khayraadka badda.
Waxaaney tidhi “Somaliland badeedu 850 kor ayay u dhaaftay waana xeeb dheer, isweydiintu waxa ay tahay xeebtaasi dheer ee aynu leenahay maka faa’ideysana sidaynu uga faa’ideysana? Maxaa caqabado ina hortaagan? Marka laga hadlayo dhaqaalaha buluuga ah maka faa’ideysana? Maya sababto siday tahay uma faa’ideysano.
Adduunyada maanta khayraadka ayaa la isku dhaafay, beriga iyo ka bada, kii bariga waynu hayna, balse ka bada aynu xooga saarno, oo sharciga aynu maanta u fadhino aynu ku dhaqano, cidkasta oo sharciga ilaalinta badaha Somaliland qayb ka qaadatayna waanu u mahadcelinaynaa”