Qore Boqore Axmed Cabdi
Hargaysa (Dawan) Wasiirka Wasaaradda Dhallinyarada iyo Ciyaaraha Jamhuuriyadda Somalialnd Cabdirisaaq Muuse Faarax ayaa ku dhawaaqay horyaalada kubbadda cagta ee Caasimada iyo gobolada dalka iyo Horyaalada Kubbadda Kolayga ee Hargeysa, kuwaasi oo dhawaan ka qabsoomi doona dhammaan gobollada dalka.
Wasiirka wasaaradda dhalinyarada iyo Ciyaaraha Somaliland oo warbaahinta la hadlay ayaa sheegay inay bilaabayaan horyaalada kubada cagta ee Caasimadda iyo gobollada dalka iyo horyaalada kubada Kolayga ee Hargaysa.
Jadwalka horyaada kubada cagta Caasimadda iyo gobollada dalka iyo horyaalada kubada Kolayga ayaa u dhigan sidan:-
“Kubbadda Cagta Heerka 1aad, 2aad iyo 3aad Hargeysa August, 11, 2024.
Horyaalada Kubbadda Cagta Heerka 1aad iyo 2aad Borama August, 15, 2024
Horyaalada Kubbadda Cagta Heerka 1aad iyo 2aad Sanaagn August, 18, 2024
Horyaalada Kubbadda Cagta Heerka 1aad iyo 2aad Togdheer September, 16, 2024
Horyaalda Kubbadda Cagta Heerka 1aad iyo 2aad Saaxil September, 17, 2024
Horyaalada Kubbadda Cagta Heerka 1aad iyo 2aad Gabilay September, 18, 2024
Horyaalka Kubbadda Kolayga Heerka 1aad iyo 2aad Hargeysa 22, July, 2024”.
Wasaaradda Dhalinyarada iyo Ciyaaraha Jamhuuriyadda Somaliland ayaa ku hawlan sidii loo xoojin lahaa ciyaaraha lagu adkaynayo xidhiidhka isdhexgalka dhalinyarada iyo bulshada qaybaheeda kala duwan iyo sidii loogu yarayn lahaa arrimaha la xidhiidha balwadaha iyo qabyaalada.