Hargeysa (Dawan) Madaxwaynaha Jamhuuriyadda Somaliland Mudane Muuse Biixi Cabdi ayaa kulan la qaatay Cuqaasha,waxgaradka,aqoonayahanka iyo Ardaaga Ciidagale , kaas oo ay isku xog-waraysteen Madaxwaynaha iyo Cuqaashu.
Kulankan ayaa ka qabsoomay Qasriga Madaxtooyada Somaliland, waxaanay halkaasi Cuqaasha Ciidagale uga duceeyeen Madaxweynaha in ILLAAHAY ku asturo hawlaha shaqo ee uu Qaranka iyo bulshadaba u hayo.
Qoraal kooban oo ka soo baxay Madaxtooyada Somaliland, oo kulankaa lagu faahfaahiyay oo soo gaadhay xafiiska warqabadka Wargayska Dawan ayaa u dhignaa sidan:-
“Madaxweynaha Jamhuuriyadda Somaliland, Mudane Muuse Biixi Cabdi ayaa shalay kulan la qaatay cuqaasha Beesha Ciidagale.
Kulankaas oo saacado qaatay, iskuna Xog-waraysteen madaxweynaha Jamhuuriyadda iyo cuqaashu.
Wuxuu ku soo dhamaaday isfahan iyo duco ay cuqaasha ugu duceeyeen madaxweynaha Qaranka”..