Duqeymo ay Israel Sabtidii ka gaysatay Marinka Gaza ayaa la xaqiijiyay in lagu dilay ugu yaraan 30 Falastiiniyiin ah, sidaasi waxaa xaqiijiyay saraakiisha caafimaadka Gaza.
Duqeymahan ayaa imaanaya xilli ay dhawaan Dowladda Qatar ka dhawaajisay in ay dib u billaabeyso dadaalladeedii dhex dhexaadinta wadahadallada xabad joojinta Gaza iyo sii deynta la heystayaasha Israel.
Milatariga Israel wax jaawab ah kamay bixin duqeymaha Sabtidi ay ku qaadday magaalooyinka Gaza iyo Rafax.
Israel waxay Jimcihi sheegtay in duqeymo dhowr ah ay ku dishay dagaalyahano ka tirsan Xamaas oo ku sugnaa badhtamaha Gaza, iyo Xerada Nuseyraar.
Saraakiisha caafimaadka Falastiin ayaase sheegay in ilaa 20 qof oo la dilay ay lix ka mid ahi ahaayeen carruur halka shan kalana ay dumar ahaayeen. Tan iyo sannadki hore, dagaalka Gaza waxaa lagu dilay ku dhawaad 46 kun oo Falastiiniyiin ah.