Booliska Malawi ayaa baadi goobaya sagaal tuhmane oo ka baxsaday xabsiga ka dib markii lagu qabtay iyaga oo dhuxul ku soo qariyey gawaadhi xamuul ah iyaga oo iska dhigaya in ay mayd sidaan.
Booliiska oo adeegsanayo xog ku saabsan arrintan, ayaa qabtay baabuur xamuul ah oo Mayd gelbinaya magaalada ugu weyn dalkaa ee Blantyre. Gudaha, waxa laga helay naxashyo madhan oo la dul saaray dhowr baco dhuxul ah, iyada oo qiimaha xamuulka lagu qiyaasay uu yahay $1,700 (£1,200), sida ay ku warantay wakaaladda wararka ee Reuters.
Kontorobaanka dhuxusha ayaa baahi weyni ka jirtaa, iyada oo dalka Malawi aad dadku wax ugu karsadaan dhuxusha.
William Mitembe, oo ah sarkaal ka tirsan deegaanka, ayaa warbaahinta maxalliga ah u sheegay in hawlgalkii dhammaadka usbuuca uu ahaa “kiiskii ugu adkaa ee sharci darrada ahaa ee ka ganacsiga dhuxusha ee taariikhda dalka”.
Qiyaastii 30 bac oo dhuxul ah oo ku qarsoon naxashka madhan ayaa la qabtay intii lagu jiray jid gooyo caadi ah oo ka dhacday degmada Chikwawa, oo qiyaastii 40 km (25 mayl) koonfur ka xigta Blantyre, sida uu Reuters u sheegay sarkaal kale oo ka tirsan kaymaha, Hector Nkawihe.
Laakiin wareysi uu siiyay BBC-da, maamulaha shirkaddaha aaska ayaa sheegay in dhacdadani tahay nooc ka duwan dhacdooyinka.
Ganacsiga sharci darrada ah ee dhuxusha ayaa ku badan Malawi waana sababta ugu weyn ee keenta jarista kaymaha. Dadka Malawi badankood waxay ku tiirsan yihiin karinta sababta oo ah koronto la’aanta joogtada ah.
Bishii hore, hay’adda maamusha tamarta Malawi ayaa qiimaha shidaalka iyo naaftada kor u qaadday in ka badan 40% , taas oo ka dhigan markii labaad oo qiimaha shidaalka uu kor u kaco afar bilood gudahood.
Madaxweyne Peter Mutharika, oo sannadkii hore ku soo laabtay xukunka, ayaa isku dayayay inuu soo nooleeyo dhaqaalaha Malawi ee sii xumaanaya.