Sida ay sheegeen mas’uuliyiinta Jarmalka, haweeney ayaa Dacwada nooca loo yaqaano Wolf ay qaniintay iyada oo ku sugan waddo weyn oo wax laga iibsado oo ku taal Hamburg.
Weerarkan oo ahaa mid aan caadi ahayn ayaa ka dhacay Grosse Bergstrasse oo mashquul badan oo ku taal Hamburg Altona, meel u dhow dukaan Ikea oo ku yaal gudaha magaalada Salaasadii fiidnimadii.
Haweeneyda ayaa u muuqata inay isku dayday inay xayawaanka jahawareersan ka kaxayso waddada wax iibsiga. Kadib way soo weerartay oo way qaniintay, weliba waxa la sheegay in ay wejiga ka qaniintay, sida ay sheegayaan wararka maxalliga ah ka dibna way carartay.
Haweeneyda ayaa loo qaaday isbitaal laakiin markiiba waa laga saaray isbitaalka.
Waxaa la rumeysan yahay inay tahay markii ugu horreysay ee qof ay dacwo ama Yey weeraro, tan iyo markii xayawaankan Dacwada ay dib ugu soo laabteen Jarmalka tobanaan sano ka hor oo ay si aad ah ugu yaraadeen.
“Ma jirin kiis sidan oo kale ah tan iyo markii dib loo bilaabay dib u soo celinta xayawaankan sanadkii 1998,” ayay tidhi afhayeen u hadashay Hay’adda Federaalka ee Ilaalinta Dabiiciga ah oo ay soo xigatay wakaaladda wararka ee Jarmalka ee dpa.
Yeygan wax qaniinay ayaa markii dambe lagu arkay haro biyaha oo ku taal Binnenalster oo Hamburg ah isla habeenkii Salaasadii. Booliisku waxay ku guuleysteen inay ka soo saaraan biyaha iyaga oo wata xadhig.
Laakiin xayawaanka ayaa dagaal galay, booliiskuna waxay ku hubaysnaayeen gaashaan waxa la sheegay inay ku qaadatay ku dhawaad saacad inay isku dayaan inay qabtaan.
Matthias Hilge, oo ah afhayeenka Wasaaradda Deegaanka, Cimilada, Tamarta iyo Beeraha ee Hamburg, Bukea, ayaa BBC u sheegay in maalmihii ugu dambeeyay ay jireen dhowr jeer oo xayawaankan lagu arkay galbeedka magaalada.
Baadhis la sameeyey waxa la arkay inuu badqabo waxaana la siiyey daryeel caafimaad.
Waxay ahayd markii la dumiyay Derbiga Berlin sanadkii 1989-kii markii Yeeydu bilaabeen inay ku soo laabtaan Jarmalka ka dib 150 sano oo ay maqnaayeen.
Waxay ka soo laabteen dhinaca Poland, maantana waxa la sheegayaa in ay ku dhex wareegayaan kaymaha gobollo badan oo Jarmalka ah.