Ganacsade Shiinees ah oo debed joog ah ayaa lagu xukumay 30 sano oo xabsi ah,kadib markii lagu helay khiyaano dhaqaale sida uu sheegay garsoore federaal ah. Ganacsadahan oo ku sugan dalka Maraykanka laguna magacaabo Guo Wengui, ayaa lagu helay khiyaano ku dhacaday in ka badan 1,000 qof, oo uu ku helay adduunka oo dhan ah boqolaal milyan oo doolar.
Guo Wengui, oo ka baxsaday Shiinaha toban sano ka hor isla markaana isu dhiibay Maraykanka isaga oo dhaliilaya Xisbiga Shuuciga Shiinaha (CCP), ayaa Isniintii lagu xukumay maxkamad ku taal Manhattan waxaana ku xukumay Garsoore Analisa Torres.
Guo, oo mar la aaminsanaa inuu ka mid ahaa ragga ugu taajirsan Shiinaha, ayaa sidoo kale lagu amray inuu lumiyo $889 milyan oo magdhow ah.
Xeerbeegti ayaa si aqlabiyad ah Guo ugu heshay dambi ah khiyaano, dambiyo kala duwan oo ku saabsan dammaanadaha, khiyaanada taleefannada gacanta iyo dhaqidda lacagaha sannadkii 2024. FBI-da ayaa sannadkii ka horreeyay ku xidhay gurigiisa raaxada leh ee Manhattan oo ka soo horjeeda Central Park.
Markii xukunka lagu riday Isniintii, Guo oo sidoo kale loo yaqaan Miles Guo uu ugaadhsanayay kuwa doonaya inay Dimuqraadiyadda keenaan Shiinaha”, isaga oo lacagtooda qaadanaya si uu si raaxo leh ugu noolaado. Sidaa waxa sheegay garsoore Analisa Torres.
Guo ayaa xkunka ka dib cowday, wuxuuna ka cawday caafimaadkiisa, wuxuuna si kooban u taabtay kiiska dambiyeedka, isaga oo difaacay ujeeddadiisa uu u yimi Maraykan isaga oo sheegay inuu u yimid Maraykanka “si uu u burburiyo” CCP.
Garsoore Torres ayaa akhriyey qoraallo kooban oo ay ka heshay dhibanayaasha, kuwaas oo sharraxay inay waayeen keydkoodii nolosha iyo inay dareemayaan walaac iyo ceeb aad u daran, iyo sidoo kale inay xubnaha qoysku ku soo jeesteen doorashadooda maalgashiga ee liidata.
Guo, ayaa ku adkeysanayaa, si la yaab leh, in dhaqankiisu aanu khasaare geysan oo aanu cidna wax u dhimin”. Wei Chen, oo ah dhibbane ka markhaati furay maxkamadda, ayaa Torres u sheegtay in khiyaanada Guo ay “burburisay noloshayda” iyo tan qoyskeeda.
Dacwad oogayaasha ayaa codsaday inuu ugu yaraan 30 sano xabsi uu ku jiro, iyaga oo sheegay in khiyaanooyinkiisiicajiibka ahaa ee u dhexeeyay 2018 ilaa 2023 ay burburiyeen boqolaal nafood” isla markaana uu ka tagay “burbur dhibanayaal iyo qoysas ay dhibaato dhaqaale, shucuureed iyo nafsi ahaanba soo gaadhay”.