Andrey Santos ayaa sheegay inay ahayd riyo u rumowday inuu ku biiro Manchester United, kaddib markii kooxdu si rasmi ah u shaacisay heshiiskiisa Isniintii. United ayaa Xiddiga ka bixisay £48 milyan oo lacag rasmi ah iyo £2 milyan oo gunnooyin ah, halka Chelsea ay haysato 10% saamiga iibkiisa mustaqbalka.
Xiddiga reer Brazil ee 22 jirka ah ayaa Chelsea kaga soo biiray Vasco da Gama sanadkii 2023, wuxuuna amaah ku soo qaatay Nottingham Forest iyo kooxda Strasbourg ka hor intaanu u wareegin Old Trafford.
“Wax walba oo ku saabsan Manchester United waa kuwo gaar ah. Waa dareen aan la soo koobi karin inaan ku biiro koox ay hore uga ciyaareen qaar ka mid ah halyeeyadii aan ku soo koray oo aan aadka u jeclaa” ayuu yidhi. Andrey Santos
Waxaanu intaa raaciyay.“Anigoo ah ciyaaryahan khadka dhexe ah, aad ayaan ugu faraxsanahay fursadda aan ku baran doono tababare Michael Carrick. Wuxuu yahay macallinka ugu habboon ee iga caawin kara inaan gaadho heerka xiga ee xirfaddayda isla markaana aan rumeeyo riyooyinkayga”
Laacibkan ayaa isagoo hadalkiisasii wata yidhi.“Qof kasta wuxuu ii sheegay hamiga weyn ee Manchester United iyo jawiga cajiibka ah ee kooxda laga dhisay. Waan ogahay sida ay kooxdu u xooggan tahay, mana sugi karo inaan garab istaago saaxiibbadayda cusub si aan ugu wada tartanno koobabka ugu waaweyn.”