Booliiska Dalka Usterliya ayaa khasab ku furay qol ku yaalay dabaqa sare iyagoo doonaya inay xaqiijiyaan warar ka soo gaadhay gurigaasi.
Booliiska ayaa qolkaasi ka helay hadhaagii mayd banii’aadam oo lagu kariyay biyo kulul. Dadka jaarka ah ayaa booliiska gaadhsiiyay warkani ka dib markii ay dareemeen ur ay aad u necebaysteen oo laga dareemayay gurigaasi. Booliiska ayaa sheegay inay ka heleen gobolo jidh banii’aadam ah oo lagu kariyay biyo kulul.
Waxa kale oo ay booliisku qireen in hadhaag maydkani uu yahay qof dumar ah. Iyadoo markii danbe la ogaaday inay gabadhani ahayd Indonisiyan uu qabay ninka qolka ku jiray. Waxaana la filayaa in markii uu dilay hilibkeeda ku kariyay biyaha kulul oo ku jiray laydhka guriga. Ninka falka geystay ayaa ahaa 27 jir. Waxaana booliisku cadeeyeen in maydkiisa laga helay meel inyar u jirta gurigan, ka dib markii uu isaguna is dilay. (Alyoum).
