Wakaaladaha wararka ee Maraykanka iyo Ingriiska ayaa faafiyay warar is khilaafsan oo sheegaya inuu geeriyooday feedhyahankii muslinka ahaa ee dunida caanka ka noqday Maxamed Cali Kelay.
Maxamed Cali kelay ayaa la sheegayaa inuu xalay u dhintay xanuunka gariiratada oo muddo dhawr sanadood ah la jiifay.
Wargeyska Daily mail ee dalka ingriiska ayaa markii ugu horaysay inuu si rasmi ah u daabacay geerida Maxamed Cali kelay .
Maxamed Cali kilay ayaa caan ku noqday taariikhda feedhka , wuxu ahaa nin muslin ah oo ka mid ah kuwa ugu caansan feedhka miisaanka culus. Waxaana uu caan ku ku noqday darbadii xoog ahayd ee uu ku legdi jiray tobanaan ka mid ahaa kuwii la tartamayay . Isagoo muddo saddex jeer ah ku guulaystay horyaalka dunida ee feedhka miisaanka culus taasi oo keentay in magaciisu taariikhda caan ku noqdo.
Maxamed Cali ayaa ku dhashay Maraykanka sannadkii 1942.
Sannadkii 1999 ayaa lagu magacaabay inuu ahaa ciyaartoygii qarniga, waxaana lagu tilmaamaa inuu shakhsiga ugu degdegga badan xagga feedhka.
