Maanta horumarka ay adduunyadu ku socotaa waa mid cilmiyeysan oo dhaxal qoraal ugu dhigmaysa dadka hiigsanaya ama wax ka baranaya. Sidaa darteed horumarka waxaa ka mid ah waxqabadka, markaad masuul tahay ee dadlkaaga iyo dalkaaga aad wax wanaagsan u qabato oo muuqda waa mid aan la iloobeyn oo dhaxal qoraal u galaysa buugga.
Maanta Maayarka caasimadda Hargeysa xilkiisii wuu ka soo baxay, waxqabadyo kala duwanna uu qabtay intii uu xilka hayey weyna ka muuqataa caasimadda.
Anigoo ah Caaqil Xasan Ibraahim Xuseen, kana soo jeeda degmadda Maxamed Mooge, waxa uu maayarku degmada ka sameeyey horumar la taaban karo hadday waddo tahay, hadday biriij tahay, buundooyin iyo banaynta waddooyinka.
Sidoo kale, waxa uu wax ka qabtay xashiishkii tuulnaa jirey meelaha waddooyinka ah, maanta ma jiro oo iskaashatooyinka xashiishka u xilsaarani guryaha hortooodey soo maraan oo ay dadka kaga qaadaan xashiishkooda,taaasini waa waxqabad u soo kordhey caasimadda Hargeysa.
Waxa kale oo jira xildhibaanno waxqabad leh oo wada shaqeyni naga dhaxeyso oo sharaf leh, waxaan hadalkayga kaga baxayaa maayar halkaa ka sii wad oo kuwa horumarka aan doonayn ha eegin, xidhibaannada jecel qaska iyo muranka, kuwaasi waa ka dib inoo dhigaya ee aan jecleyn cid waddanka wax u qabata iyo cid madax ka noqotaba.
Maayar waxaad tahay masuul ummaddeed waa inaad ka fikirtaa horumakeeda sidii aad wax u qaban lahaydeen , isku duubnaan, isla shaqeyn wacan iyo kala dambayn wanaagsan
Caaqil Xasan Ibraahim Xuseen
Hargeysa/Somaliland
