Hayadaha xuquuqda insaanka u dhaqdhaqaaqa ayaa ugu baaqay Kuwait in ay joojiso tallaabooyin ay sinjiyada muwaadinimo kaga qaadayso dad muwaadiniin ah iyada oo abbaaraysa mucaaridka.
Arrintan oo saamaysay 33 qof ayaa loogu baaqay in ay dib ugu celiso muwaadinimadooda.
” Masuuliyiinta Kuwait waa inay si dhaqso ah u joojisaa muwaadiniinta ay ka qaadayso dhalashadooda sababta oo ah waxa ay sameeyeen waa xorrriyadda hadalka ama waxyaabo kale oo ay xaq u leeyihiin ,” ayay ku tidhi hadalkeeda hayada fadhigeedu yahay New York ee loo soo gaabiyo HRW.
.
Waxa ay intaa raacisay in loo soo celiyo sinjiyadooda muwaadinimo dadka arrimahaasi ku waayay muwaadinimsdoodii.
HRW waxa ay leedahay sumcadeedii ayaa waxyeelo soo gaadhaysa dalkan hodanka ku ah saliida oo ay muwaadiniintiisu doortaan baarlamaankooda oo loo arkayay inuu yahay mid ka mida boqortooyooyinka ugu dulqaadka badan khaliijka.
Kuwait ayaa bilihii la soo dhaafay ka xayuubisay muwaadinimadii ugu yaraan 33 qof iyo badankooda xubnihii qoysaskooda.
Arrimahan sinjiyad ka qaadista ayaa loo aanaynayaa in ay la xidhiidhaan arrimo siyaasadeed.
Dadka laga qaaday muwaadinimada waxa ka mid ah qoyska Ahmad Jabr al-Shemmari oo islamarkaana albaabada loo laabay xaruntiisii sateleteka telfishan iyo wargeysba iyada oo ay dalka soo foodsaareen mowjado cusub oo mudharaadyo ka dhan ah dawladda.
.
Waxa kale oo ka mid ahaa siyaasi mucaarid ahaa iyo walaaladii iyo toban kale oo ololeeyayaal ah oo uu ku jiro wadaadka Nabil al-Awadhi.
Sida oo kale Saad al-Ajmi, afhayeenkii kooxda waddaniyiinta mucaaridka ah ee Popular Action Movement.
Dawladda Kuwayt ayaa qoraal ay hore u soo saartay bishii tagtay waxa ay ku sheegtay in kuwa waayay sinjiyaddu ay ahaayeen kuwo markii horeba ku qaatay been abuur ama qaar haystay laba dha;lsho taasi oo mamnuuc ka ah Kuwayt iyo kuwo xaggaa amiga loo cuskaday.
