Xaalad degdeg ah iyo hal todobaad oo bandaw habeenkii ah ayaa lagaga dhawaaqay magaalada Baltimore si loo dajiyo mudaaharaadyada halkaasi ka taagan.
Qaar ka mid ah saraakiisha magaaladaasi ayaa sheegay in rabshadaha dhacay ay yihiin kuwii ugu darnaa tan iyo mudaaharaadyadii dabo socday shirqoolkii lagu dilay Martin Luther King, sanadkii kun sagaal boqol iyo lixdan iyo sideedii.
Duqa magaalada Baltimore, Stephanie Rawlings waxa ay cambaaraysay waxa ay ugu yeedhay budhcadda wax bililiqaysatay, wax burburiyay, dhismayaashana dabka qabadsiiyay kaddib aaskii Freddie Gray, oo ah shan iyo labaatan jir madaw Maraykan ah, kaas oo si xun ugu dhaawacmay saldhig booliis, kadibna dhintay.
