Xisbiga ugu weyn mucaaradka Koofur Africa, ee Democratic Alliance, ayaa doortay hogaamiyehoodii ugu horreeyey ee madow ah.
Ergooyinka joogay shirweynaha oo ka dhacayey magaalada ku taalla koofur bari ee Port Elizabeth ayaa u codeeyey Mmusi Maimane.
Ninkaas oo 34 jir ah ayaa sida cad wuxuu ahaa qofkii ay dadku la doonayeen in uu ka guulaysto haweeneydii hogaamiyaha u ahayd xisbiga ee Helen Zille.
Xisbiga Democratic Alliance ayaa loo arkayey ilaa wakhtiyadii ugu dambeeyeyba in uu ahaa mid inta badan matala caddaanka Koofur Africa.
Dadka wax dhaliila ayaa farta ku fiiqaya khibrad la’aanta hogaamiyaha cusub, iyadoo xisbiga talada haya ee ANC-na uu ku eedeyey in uu dabadhilif u yahay caddaanka.
Mr Maimane ayaa u mahadceliyey taageerayaashiisa.
