Burco (DAWAN):- Sagaal Qof oo dhaawacyo kala duwani ka soo gaadheen shil gaadhi oo ka dhaccay degmada Qoryaale ayaa la soo gaadhsiiyay Cisbtaalka Guud ee Magaalada Burco dadka ku dhaawacmay shilkaa baabuur ,ayaa waxaa Cisbitaalka ku booqday Guddoomiyaga Gobolka Togdheer iyo ku simaha isuduwaha Caafimaadka gobolka Togdheer.
Waxaanay masuuliyiinta dadka dhaawacmay booqday ay sheegeen in sideed qof oo ka mid ah dhaawaca xaaladoodu wanaagsan tahay halka midka sagaalaadna ay tilmaameen in dhaawiciisu culusyahay oo ay u soo gudbinayaan Cisbiaalka guud ee Hargeysa.
Kusimaha isu-duwaha Wasaarada Caafimaad gobalka Togdheer Cabdirashir Maxamed Cali, oo kawarbxiyay ayaa yidhi. “dhaawaca ilaa shalay soo gaadhay cisbitaalka Burco waxay ahaayeen ee ka dhashay shilka gaadhi ee ka dhacay Qoryaale waa 9 ruux hal qof oo ka mid ah ayay xaaladiisu liidataa una baahan (scan) waxaanan u gudbinaynaa cisbitaalka weyn ee Hargeysa. gaadhiniina waanu u diyaarinay”
Isuduwaha ayaa intaa ku daray farriin qaylo dhaan ah oo uu u diray masuuliyiinta Wasaaradda Caafimaadka taasoo uu kaga dayriyay xaaladda adeeg ee Cisbitaalka guud ee Burco “ waxaan u sheegayaa masuuliyiinta wasaarada caafimaadka cisbitaalka weyn ee Burco in uu ku jiro xaalad aad u liidata oo aan loo heli karin bukaanka balaster waana ceeb inaad tidhaahdo bukaanka soo iibso balaster qof dhiig baxayay oo safar ahaa, markaa waxaan ka codsanaynaa in xil gaara layska saaro oo wax laga qabto xalaadan hadeer uu ku jiro cisbitaalku”.
Guddoomiyaha gobalka Togdheer Maxamed Muuse, oo dhakhtarka ku booqday dadka shilka baabuur ku soo dhaawacmay oo warbaahinta uga waramay ayaa yidhi. “Runtii xaaladii aanu ugu nimid xalay iyo tan saaka(shalay) ay ku sugan yihiin aad ayay u kala wanaagsan tahay sababta oo ah waxay ahayd carcarta dhibaatada oo markaa cusbayd dadka waxaa ku jira baqe (Shock), waxaan u mahadnaqayaa shaqaalaha cusbitaalka weyn ee magaalada Burco oo uu hogaaminayo Kusimaha isu-duwaha wasaarada caafimaad gobalka Togdheer Cabdirashir Maxamed Cali, xalay waxay ahayeen heegan waanay u adeegeen dadkii dhaaawaca ahaa”.
Dawannews Hargeysa office
