Ana iyo Kein Freiud oo Maraykan ah isla markaana degan Florida ayaa bishii August 19, sanadkii 1955 uu arooskoodu ka dhacay gobolkaasi. Lamaanahan ayaa sanad kasta xaflad aroos oo kaasi la mid ah.
Lamaanahan ayaa sheegay inay sanad kasta samaynayaan xusuus arooskooda ah taasi oo keenta inay farxad geliso. Mudadaasi 60 sano ah, sanad kasta waxay dhigaan xaflad aroos oo tii sanadkii hore ka sii kharash badan iyagoo labadooduna soo xidha dharka arooska wakhtigani uu xidho. Xafladda arooska ayaa lagu soo bandhigaa sawirkii arooskoodii ugu horeeyay kaasi oo muujiya wakhtigaasi da’dii ay ahaayeen. Islaanta Anna ayaa sheegtay inay ku faraxsan tahay inay sanad kasta noqdaan lamaane aroos ah. Odayga ayaa ahaan jiray macalin miisiga ardayda bara ka hor intii aanu ka fadhiisan shaqada, isagoo ay da’diisu wakhtigan tahay 85 jir, Islaantiisa ayaa iyana ahayd gabadh kalkaaliso caafimaad ah muddo 27 sano wakhtigan da’deedu waa 81 jir.
