Waxa wadanka Maraykanka ka dhacay aroos aad usoo jiitay indhaha warbaahinta caalamka ,kaas oo ay kasoo qayb galeen marka laga yimaado dadka xayawaano kala duwan oo arooska goob joog ka ahaa. Sida ay qortay jariirada lagu magcaabo Sunday Times ayaa lagu sheegay inay arooskan kasoo qayb galeen dad aad u tiro badan oo gaadhaayey ilaa 600 oo qof, kuwaas oo ka kala yimid magaalooyin kala duwan oo dalkaasi Maraykanka ah.
Ninka arooska ahaa ayaa ah nin caan ku ahaa xanaanaynta xayawaanaadka, kaas oo guursaday gabadh uu jeclaa muddo laba sanno ah sida ay jariiradaasi qortay,waxaanu ahaa mid marna hela marna waaya gabadhaasi,isaga oo ugu dambayntiina guursaday .
Ninka arooska ah ayaa soo casuumay xayawaanaad kala duwan kuwaas oo ninka ku lamaanaa marwalba,waxaanay ka saarnaayeen garbaha iyo qoorta ,iyaga oo aan wax dhib ah u geysanayn isaga iyo xaaskiisa cusub midna.
Xayawaanada lagu soo casuumay arooskaasi ayaa waxa kamid ahaa Masas kala duwan oo goob joog ka ahaa arooskaasi,waxaanay dhibta keliyaata ee ay geysteen ahayd dadka oo cabsi badani soo food saartay ,kadib markii ay arkeen xawayaankan oo aanay markii hore ka filanayn goobtaasi.
Arooskan ayaa noqday mid aad looga hadal hayey wadankaasi laguna qoray warbaahinta wadankaasi,taas oo noqotay sheeko soo jiidasho leh.
