Nairobi, KENYA (Dawan) — Gudoomiyaha Maxkamada Sare ee Kenya Dr. Willy Mutunga ayaa shalay Xafiiskiisa ku qaabilay Gudoomiyaha Maxkamada Sare Dastuuriga ah ee Jamhuuriyada Somaliland Prof. Aadan Xaaji-Cali Axmed oo Safar shaqo ku jooga Magaaladda Nairobi ee dalka Kenya.
Gudoomiyaha Maxkamada Sare ee Kenya Dr. Willy Mutunga waxa uu Hadyad u siiyay Guddoomiyaha Maxkmadda sare ee Somaliland nuqul ka mid ah dastuuka Kenya. Prof. Aadan ayaa Gudoomiyaha Maxkammada Sare ee Kenya si balaadhan u falan-qeeyay iskaashi dhexmara Ha’yadaha garsoorka labada dal iyo walliba sidii ay Somaliland wax uga baran lahayd nidaamka Garsoorka Kenya oo aad u hormarsan.Gudoomiyaha Maxkamada Sare Somaliland ayaa intii uu joogay Kenya ka qayb galay laba shir oo caalami ah. Shirka hore waxa uu ku saabsanaa “Shuruuucda oo la is waydaarsadaa doorka ay ka ciyaarto xoojinta Dawlanimo sharci ku dhisan iyo maamulka ku dhisan hanaanka Axsaabta badan ee Qaarada Afrika.”
Dawannews Hargeysa office
