Nin gancsade ah ayaa ceel biyood uu lahaa ka iibiyay nin beeraly ah oo lacagtiina qaatay. Maalintii ninka beeralayda ahi uu doonay inuu ceelka biyo ka dhaansadao ayuu u diiday ganacasadu. Waxaana uu ku yidhi “Anigu ceelka ayaan ka iibiyay ee kama aan iibin biyaha ku jira, kuwaasi aniga ayaa iska leh, adiguna ceelka ayaad leedahay. Haddii aad doonayso inaad biyo ka dhaansatana waa inaad lacagta iska bixisaa. Ninkii beeralyda ahaa wuu diiday arinkaasi waxaan uu u tegay qaadigii magaalada.
Qaadiga ayaa doodi labada dhinacba dhegaystay Markii uu ka bogtay ayuu ninkii ganacsadaha ah ku yidhi “ Ninkaan miyaad ka iibisay ceelka?” , haa ayuu ku jawaabay, laakiin kamaan iibin biyaha ayuu raaciyay.
Qaadiga ayaa ugu jawaabay “ Haddii aad qiratay inaad ka iibisay ceelka, waxa waajib kugu ah inaad biyahaaga kala baxdo, waayo xaq uguma lihid inuu kuugu ilaaliyo weel aad ka iibisay, haddii kale waxaad bixin doontaa kirada si uu kuugu hayo ceelkiisa biyahaaga. Taajirkii ayaa gartay inay arintu ku fashilamay waxaana uu maxkamad ka tegay isagoo aad u niyad jabay oo khajilsan.
