Furiinka lamaanaha ayaa ah mid banaan wakhtiyada xal ka wanaagsan la waayo. Haddaba goob aroos ahayd oo dalka Bulgaria ah ayay aroosadda hooyadeed codsatay in ka kamarada fiidyowga laga duubo iyada iyo kooxdii la socotay laakiin taasi waxa diiday wiilka arooska ah hooyaddi.
Muran ayaa dhex maray markii danbe labada islaamood , kaasi oo isu rogay aflagaado iyo dhaleecayn fara badan. Arinkaasi aya keenay in isla wakhtigaasi ay islaantu inanteed gacanta qabsato oo ay ka kiciso halkii ay fadhiday oo ahayd arooska dhiniciisa , taasi oo islaantii kalena inankeed si cadho leh ugu tidhi “ Hadda waa inaad furtaa haddii kale waan is dilaya!”.
Wiilkeeda ayaa isla markiiba ku dhawaaqay inuu furay aroosadiisa. Aroosada, hooyadeed iyo kooxdii la socotay ayaa raacay gaadhi ay islaantu wadatay. Habeenkaasi dad badan ayaa iyagoo aan faraxsanyan ka tegay hoolkii Arooska. Waxaana lagu daray liiska furiinada yaabak leh ee dunida ka dhacay.
