Dadka aan qadarka rumaysnayn marka ay dhibaato ku dhacdo waxay aaminaan in nasiibkoodu xun yahay. Waxaana loo diiwaan geliyaa inay yihiin dad nasiib xun. Laakiin waxaaba dhici karta inay yihiin kuwo nasiib wanaagsan.
Frank Silac waa macalin maadada barashada miisiga macalin sare ku ah oo u dhashay dalka Croatia waxaan ku dhacay dhacdooyin shilal xidhiidh ah oo naxdin badan oo haddana uu ka badbaaday.
Frank isagoo safar ah ayaa tareen uu la socday ku dhacay meel webi ah waxaana goobta kuwada dhintay rakaabkii saarnaa isaga mooyee. Waxa kale oo ku dhacday isagoo wada gaadhigiisa inuu isku deyay inuu dhaafo gaadhi xamuul ah, laakiin shil xun ayaa halkaasi ka dhashay waana uu ka nabad galay markii gaadhigiisa uu ka dhacay, laakiin gaadhigiisa uu arkayay isagoo ku sii dhacaya dhul hoose. Waxa kale oo uu ka badbaaday shil dayuuradeed.
Honlen oo u dhashay dalka Ingriiska ayaa lagu sheegaa inuu yahay kan ugu nasiibka xun dalkaasi, inkasta oo dhinaca kalena la odhan karo waa qof aad u nasiib wanaagsan. Ninkan ayaa 16 jeer ka badbaaday shilal isdaba joog ah oo uu la kulmay sida shilal gaadhi, Hilaac asiibay. Waxa kale oo yaab noqotay in markii uu geed ka soo dhacay ee uu ka jabay lugta lana geeyay dhakhtarka uu gaadhiga siday uu shil galay, iyadoo halkaasi uu dhaawac kale soo gaadhay.