Hargaysa(Dawan):- Gudida Dhaqaalaha Golaha wakiiladda Somaliland ayaa warbixin ka dhegaysta guddoomiyaha Baanka dhexe ee Somaliland kana xog waraystay shaqada uu qaranka u hayo iyo tallaabooyinka uu qaadayo.
Kulankan oo ahaa mid dastuuri ah oo gudida dhaqaalaha golaha waliiladu ay awood sharci u leeyihin in ay la kulmaan Guddoomiyaha baankadhexe intaan la ansixin ayay godobo badan oo shaqada baanka ah kaga wada hadleen isla markaana wax iskaga waydiiyeen xaaladda qiimaha sarrifka lacagaha qalaad iyo sidii wax looga qaban lahaa
Guddoomiyaha guddi hoosaadka Dhaqaalaha iyo Maaliyadda Cumar Axmed Saleebaan Cumar Sanweyne iyo Guddoomiyaha baanka dhexe ee Somaliland Cali Ibraahim Jaamac Baqdaadi,ayaa markii kulankaasi u soo dhamaaday warbaahinta uga warramay kulanka ay wada yeesheen iyo qodobada lagaga wada hadlay.
Guddoomiye xildhibaan Cumar Sanweyne,ayaa yidhi . “Waxaanu maanta (shalay) kulan la yeelanay guddoomiyaha baanka dhexe ee Somaliland Cali Ibraahim Baqdaadi oo dhawaan loo magacaabay xilkaas,waxaana dastuurku qorayaa in la ansixiyo masuuliyiinka xukuumadda ka mid ah iyo golaha wasiirada,”.
Guddoomiyaha baanka Baqdaadi,ayaa sheegay in kulankani uu ahaa mid dastuuri ah oo gudda dhaqaaluhu ay la yeeshaan Guddoomiyaha baanka dhexe intaan la ansixinin “Waxa maanta (shalay) aanu u nimi oonu kulan la qaadanay gudida dhaqaalaha ee golaha wakiilada Somaliland waxyaabo badan ayaan iswaydiinay oo aanu ka wada hadalnay waana qodob dastuuriya in guddoomiyaha baanka ay xogwaraystaan gudida dhaqaalaha inta aan la ansixin wixii su,aalo ah ee ay I waydiiyeenna waan uga jawaabay.”
Dawannews Hargeysa office