Hargaysa(Dawan):-Xildhibaan Cabdiqaadir Maxamed Xasan(Indha Indho) oo ka mid ah mudaneyaasha golaha guurtida Somaliland,ayaa jawaab adag ka bixiyay hadal kasoo yeedhay xisbiyada mucaaridka ah oo duray magacaabista wasiirka arrimaha dibedda Prof Yaasiin Maxamuud Xiir Faratoon.
Waxaanu u soo jeediyay xisbiyada mucaaridkain ay kala saaraan qarannimada iyo qof jeclaysiga waxaa kale oo uu farriin u diray dadkii odhan jiray beesha dhexe ayaa xilalkii oo dhan wada qaadatay.
Waxaanu yidhi xildhibaanku. “Xisbiyada mucaaradka waxaan leeyahay haddii Farotoon la keenay wasaarada Arimaha dibedda shalayna doorashadii madaxtooyadda ka dhacday deegaankayaga,oo waliba mucaaradku badsadeen codadkii deegaankaas looma baahna in mucaaradku xagxagtaan doorashadaa.waana aan ka xumahay in ay yidhaahdaan deegaanadaas ayaa lagu boobay doorashadii madaxtooyadda,waana in ay ka waantoobaan oo qarannimada ilaaliyaan mucaaradku. shakhsinimada iyo qarannimadu aad ayay u kala wayntahay.ku wii lahaa Isaaq ayaa meel walba haysta, maanta ha arkeen in Farotoon laga dhigay wasiirka Arimaha dibedda waxaanan leeyahay qoladii lahayd siyaasaddii arimaha dibeddu way fashilantay toddobaadkii hore 28 dawladood ayaa inoo yimid shirkii huteelka Grand haddi ka dhacay ee lagaga hadlayay siyaasada arimaha dibedda Somaliland mid la mid ahi kamuu dhicin dalka Somaliland,muhiimaduna waxa weeye in waddankeena la iib geeyo .”
Mar uu ka hadlayay doorashadii madaxtooyada iyo sidii caalamku uga soo qayb galay waxaa uu yidhi. “Doorashadii madaxtooyadda waxa ka soo qayb galay goobjoogayaal faro badan waxaanay tageen dhulkii aanay doorashooyinkii hore ka dhici jirin oo ay ka mid ahaayeen Laascaanood iyo Xudun.”.
Dawannews Hargeysa office