Khadar.M.Dhako.
Hargaysa(Dawan):-Afhayeenkii hore Madaxtooyadda Somaliland Xuseen Aadan Cige Xuseen Dayr ayaa ka digay in dib loogu soo noqdo hannaankii Qabyaaladda ee laga soo gudbay.
Xuseen Aadan Cige oo u waramayay qaar ka mid ah Warbaahinta ayaa sheegay in Somaliland u gudubtay hannaanka xisbiyada badan ee Dimuqraadiga ah,isla markaana aanay is gelayn Dimuquraadiyadda Qabyaaladda iyo reernimadu.
“Waxa Wadankeenu uu u gudbay hannaanka Dimuqraadiyada ee Xisbiyada badan Qabyaalada iyo reernimada in aynu kaga baxno oo isku doorano ayaan u dooranay Dimuqraadiya,waxa aad moodaa in Qabyaaladii dib inoogu soo noqotay oo halkii aynu ka bixi lahayn ay reernimadii ka awood badan tahay Dimuqraadiyadii ismana geli karaan Dimuqraadiyada iyo reernimadu,”.
Xuseen Dayr Waxa uu sheegay in Madaxweynuhu awood u leeyahay cidda uu magacaabayo ee uu xil u dhiibayo.waxaanu yidhi“Madaxweynuhu isagaa awood u leh ciddii uu xil u dhiibayo iyo ciddii aanu xil u dhiibayn Madaxweynuhu uma dayma la’a in uu isku miisaamo xilalka uu u magaccabayo in dadku ka wada muuqdaan,faa’iido ma leh guddoomiye hebal oo meel loo magacaabo isaga ayuunbaa shaqo tegay waxa ka muhiimsan in dadku deegaan ku hadlaan oo la yidhaahdo deegaan hebel Waxbarashadii Biyihii iyo Caafimaadkii halkaa ayaanu ka taagannahay halka imika laga leeyahay saadkii beelnimo mahaysano waxa ka muhiimsan in Xukuumadda lagula xisaabtamo xaga horumarka,”.
Sidoo kale Xuseen Aadan Cige ayaa waxa uu ka digay in laga feejignaado Maamulka Soomaaliya ee ku foogan kala qaybinta umadda Somaliland.waxanu yidhi“Somaliland waxa ay leedahay cadaw doonaya in aanay isku taagin lugaha Soomaaliya geed dheer iyo geed gaaban waxay isugu taagtay in umadda Somaliland ay isku dhacaan,waana in dareenka guud ee umadda Somaliland uu ka qiimo badanyahay dareenka shakhsiga halkii laga fikiri lahaa dan qabiil ama dan shakhsi waxa ka muhiimsan in la kobciyo danta guud ee umadda midaynaysa,waxaana loo baahanyahay in dedaal dheer iyo juhdi midaysan loo galo Midnimada umadda,”.