Guddida heer qaran ee ka hortaga Xanuunka Koofidh19 ayaa maanta Gobollada iyo Degmooyinka Dalka u kala diray Gaadiidkii iyo dadkii wacyigelinta gaadhsiinayey oo dhammaantood ah Gaadiid ay leedahay Dawladda Jamhuuriyada Somaliland.
Guddoomiyaha Guddida ka hortaga Xanuunka Koofidh19 ahna Madaxweyne ku xigeenka Jamahuuriyadda Somaliland Mudane, Cabdiraxmaan Cabdilaahi Ismaaciil (Saylici) oo halkaasi ka hadlay ayaa sheegay in guud ahaanba Gaadiidka u kala baxaya degmooyinka dalka ay yihiin 62-gaadhi oo ah gaadiidkii dawladda.
gadiidkan ayaa la saaray Waraaqaha Wacyigelinta iyo Saabuunta, si loo gaadhsiiyo degmo kasta iyo tuulo kasta oo dalka ah, waxanu Madaxweyne ku xigeenku tibaaxay in hawl-wadeenada caafimaad ee wacyigelintaasi fulinaya ay saaran tahay masuuliyad weyn.
Guddigu waxay Wacyigelin isku mid ah u direen Bulshada oo ay ugu baaqeeen inay ku dedaalaan Nadaafada, sidoo kalena ay sameeyaan kala fogaashaan oo aanay Bulshadu samayn isu soo dhawaad.