Hargeysa (Dawan):-Wasaarada Horumarinta Caafimaadka Somaliland ayaa Sheegtay in hoos u dhac uu ku yimi heerkii Xannuunka Covid 19 uu ka marayay dalka.
Agaasimaha guud ee Wasaarada Caafimaadka Maxamed Cabdi Xargeeye oo maanta Warbaahinta la hadlay ayaaa sheegay in ay kor u qaadeen Feejignaanta lagaga hor tegayo Xannuunka Covid 19,waxaanu intaa ku daray in aanay jirin kor u kac ku yimi Coranavirus gudaha Somaliland
Maxamed Cabdi Xargeeye oo Arimahaa ka hadlayayna waxa uu yidhi”Aad iyo aad ayuu hoos ugu dhacay Xanuunka Covid 19 Bishan 8aad kiisasku mararka qaarkood 0 ayay ahaayeen mararka qaarkood 2 illaa 3 Qof ayaa laga helayaa wax kor u kac ah oo wayni majiro oo ku yimid Covid 19,laakiin Macnaheedu maaha in uu dhammaaday Xanuunka Covid 19 Wadamada aynu jaarka nahay iyo dunidaba kor ayuu kacay,markaa waxa aanu doonaynaa in aynu kor u qaadno feejignaantii iyo Wacyigalintii ee lagaga hor tegayay ismana dhiganayno,”.
Sidoo kale Maxamed Cabdi Xargeeye ayaa waxa uu sheegay in Gobolada dalka uu ku soo maray Socdaal uu ugu kuur gelayo xaaladda Cisbitaalada.waxaanu yidhi”Muddo dhawayd waxa aanu soo marnay Gobolada dalka oo dhan waxaanan u kuur galaynay Xaalada Hooyada iyo Dhallaanka iyo Cisbitaalada,waxaana muuqata in Xaaladda guud ee Caafimaadka dalku fiican tahay.waxaana Waddanka ka Shaqeeya dhawr iyo labaatan Cisbitaal,waxa kale oo Shaqeeya Xarumaha Hooyada iyo Dhallaanka ee MCH oo 200 gaadhaya,waxaana jooga xirfadfadleyaal Shaqaale Caafimaad oo u adeega dadka waxa kor loo qaaday awoodda Shaybaadh ee Cisbitaalada dalka ee Xanuunada Fayriska ah,