Hargeysa(Dawan) Agaasimaha guud ee WasaaradDa Dhalinyarada iyo Ciyaaraha Somaliland Maxamed Cabdilaahi Siciid ayaa ku amaanay Dadweynaha Caasimada Hargeysa sida ay usoo dhaweeyeen Ciyaartoyga ka yimid Gobalada kale ee ka qayb galay Ciyaaraha Gobalada dalka.
Maxamed Cabdilaahi Siciid oo Maanta u Waramayay Wargeyska Dawan ayaa waxa uu faahfaahin ka bixiyay Caqabadaha ay la kulmeen ka Wasaarad ahaan intii ay socdeen Ciyaaraha Gobalada Somaliland.
Maxamed Cabdilaahi Siciid oo Arrimahaasi ka hadlayayna waxa uu yidhi”Dadkan Siyaasiyiinta ee daawanaya Ciyaaraha Goballada Somaliland ayaa waxa ay soo kaxaystaan Taageerayaal badan oo Gobalada ay ka soo jeedaan u sacabo tumaya,ku waas oo sababa qaylo faro badan oo ay Faraha ka baxdo Xakamayntooda caqabadaa waanu dareemaynaa waanu kala hadalnay,waxa kale oo Caqabad nagu ah oo dareenaa Ciidamada Qaranka ee saraakiisha u badan oo amaanka meeshana nagala qayb qaadan oo Wakhti faro badan ku qaadanaya fadhiga Garoonka Qof sarkaala oo Ciidamadii Qaranka ma odhan kartid naga bax waana waxyaabo yaryar oo fudud,”.
Sidoo kale Agaasimaha guud ayaa waxa uu ku ammaanay Dadweynaha Caasimada Hargeysa sida ay usoo dhaweeyeen Ciyaartoyga Goballada kale ka yimid.waxaana uu yidhi “Dadka Caasimada si Wanaagsan ayay usoo dhaweeyeen oo ay u Taageerayaan Ciyaartoyga Goballada kale yimid,waxaana ugu taageero badan goballda aan u dhawayn Hargeysa sida Xaysimon Badhan iyo Salal dadkii oo dhammi Ciyaaraha ayay ku soo jeesteen oo laga Sheekaynayaa anagana ka Wasaarad ahaan ahmiyad wayn ayaa noo leeyihiin