Hargeysa (Dawan) Xildhibaan Mukhtaar Maxamuud Diirqadhaadh oo ka mid ah Mudanayaasha Golaha Guurtida Somaliland ayaa ka hadlay ahmiyada ay dalka u leedahay Qaadashada Kaadhka Diwaangalinta Codbixiyayaasha.
Xildhibaan Diirqadhaadh oo u Waramayay Wargeyska Dawan ayaa waxa uu soo dhaweeyay Diwaangalinta Codbixiyayaasha oo Shalay ka bilaamatay qaar ka mida Gobalada dalka,waxaana uu tilmaamay muhiimada ay u leedahay dalka.
Xildhibaan Diirqadhaadh oo Arimahaasi ka hadlayayna waxa uu yidhi”Waxaana Shacabka Somaliland ugu Baaqayaa in ay ka qaataan Kaadhka Diwaangalinta Codbixiyayaasha waana in dadku ka Faa,iidaystaan waana muhiim waxaana aan soo dhawaynayaa in mar labaad la bilaabo Diwaangalinta Codbixiyayaasha,waayo dad badan ayaa Qaangaadhay oo Barigii hore aan qaadan Kaadhka Diwaangalinta Codbixiyayaasha oo aan Qaangaadhin Barigii hore ee Diwaangalinta la qabtay.waxa kale oo jira dad badan oo Wakhtigi u saamixin in is Diwaangaliyaan,markaa dib u furista Kaadhqaadashada Diwaangalinta Codbixiyayaasha waxa ay Fursad u tahay cidii aan Qaadan Kaadhka,”.
Xildhibaan Diirqadhaadh ayaa waxa uu Sheegay in Diwaangalinta Codbixiyayaasha tahay waxa ugu muhiimsan ee Umadda xaqa u leedahay in ay qaadato.waxaana uu yidhi”Kaadhka Diwaangalinta Codbixiyayaasha waa waxa ugu muhiimsan ee Umadda xaqa u leedahay in ay qaadato Dastuurka waxa ku yaala Qof kastaa waxa uu xaq u leeyahay in Codeeyo,waana waxa kaliya ee Qofku ku dooran karo cida dalka Hogaaminaysa ee uu Aaminsanyahay taas oo Mustaqbalka dalka ka muuqan doontaa,”.
Sidoo kale Xildhibaanku ayaa waxa uu usoo jeediyay Shacabka Somaliland in si Nabedgalyo ah u Qataan Kaadhka Diwaangalinta Codbixiyayaasha.waxaana uu yidhi”Dadka reer Somaliland waxa aan leeyahay Nabedgalyadiina ilaashada oo si Nabedgalyo ku Qaata Kaadhka Diwaangalinta Codbixiyayaasha,waana waxa ugu muhiimsan Nabedgalyadu Xaalada Nabedgalyo ee dalku waa Wanaagsan tahay,”.