Balligubadle (Dawan)- Guddoomiyaha Gobolka Hawd oo uu weheliyo agaasimaha guud ee wasaaradda Ciyaaraha ayaa xadhiga ka jaray garoon dhismihiisa laga hirgaliyey Magaaladda Balli-gubadle ee xarunta Gobolkaas.
Munaasibadii xadhig ka jarka garoonkani waxaa ka soo qayb galay duqa degmadda Baligubadle, iyo Xoghayaha fulinta dawladda hoose ee Balli gubadle oo tilmaamay faa’iidada uu garoonkani u yeelan doona dhallinyaradda.
Ciyaar yahan Maxamuud Cabdi Xasan Goofiindha oo hirgaliyey garoonkan ayaa sheegay inuu uga dan leeyahay sidii uu kaalin uga qaadan lahaa is dhexgalka dhallinyaradda iyo kor u qaadista adeegyada bulshadda.
Guddoomiyaha Gobolka Hawd iyo agaasimaha guud ee wasaaradda ciyaaraha ayaa u mahadnaqay ciyaar yahanka dhisay garoonkan.