Hargeysa (Dawan) Degaanka Dhaboolaq ee galbeedka magaalada Hargeysa, ayaa laga hirgeliyay ceelal biyoodyo ay tiradoodu dhan tahay 86 ceel, kuwaas oo dadka iyo xooluhuba ay ka cabaan.
Ceelashan ayaa waxaa si tabarucaad ah u soo bixiyeen dad muxsiniin ah oo dalka dibediisa jooga, isla markaana u badan haween.
Sidoo kale Sheekh Aadan Xaaji Maxamuud Aadan Siiro, oo ka mida culimada waa weyn ee dalka Somaliland, ayaa dhagax-dhigay lix ceel biyood oo cusub oo laga hirgelinayo degaanka Dhaboolaq ee degmada Fara-weyne.
Dhanka kale waxaa uu Sheekh Aadan Siiro waxaa uu cida masuulka looga dhigayo ceelasha la qodayo uu ka codsaday in ay xil iska saaraan ilaalinta iyo daryeelista ceelashaasi, isla markaana ay dhooba-qaadaan, dadka iyo xoolahana aanay u diidin ee ay si siman uga wada cabaan.
Sheekh Aadan Siiro isaga oo arrimahaasi ka hadlaya waxaa uu yidhi. “Rasuulku waxaa uu yidhi sadaqo la bixiyo waraab biyood ayaa ugu wanaagsan, hore meeshan laba iyo lixdan ceel oo hore ayaa la qoday, dadkana waxaa aanu u sheegayna ceelka marka la qodo waa waqfi umadda oo dhana ka dhaxeeya qofka lagu magacaabay isaga ayaa ilaalinayaa isaga ayaa sabadiisa laga qodayaa, isaga ayaa ku intifaacaya balse waa inuu dhooba qaado oo uu ilaaliyo dadkana, qofna aanu ka celin iyo xoolaha.
ILLAAHEY danbigiina ha dhaafo, dariiqa janadana ALLE ha idin mariyo, waqfiga ay bixiyeena ALLE haka aqbalo.”
