Xayawaankii Murugada U Dhintay!

0
100

Sheeko uu qoray ninka lagu magacaabo Yukio Tsuchiya oo markii u horaysay lagu daabacay dalka Japan sanadkii 1951 ayaa ahayd qiso dhab ah oo ku saabsan Maroodigii ku noolaa xerooyinka lagu hayo xayawaanka ee dalkaasi intii lagu jiray dagaal weynihii labaad.

Buuga ayaa lagu cadeeyay in ciidanka Japan dawladda ka codsadeen in la sumeeyo dhamaan xayawaanka lagu hayo xeryaha, taasi oo ay sheegeen inay halis ku yihiin dadka madaama aan la  siin Karin raashin iyo xanaano joogto ah isla markaana ay halis tahay in haddii bam lagu qarxiyo goobaha u dhow xerada inay ka baxsan karaan xerada.

Dawladda ayaa wakhtigaasi ku dhaqaaqday inay sunta xayawaanka loogu talo galay siiso dhamaan xayawaanadii lagu hayo xeryaha, kuwaasi oo dhamaantood wada dhintay.

Waxase yaab noqotay in suntaasi uu cuni waayay Maroodigu, oo haba yaraatee aanu taaban, iyagoo xayawaankii kale ay agtiisa ku wada dhinteen muddo yar ka dib.

Sida uu qoraalka ku sameeyay Maroodiga ayaa isagu xeradan ugu dhintay gaajo iyo murugada haysatay ka dib markii la siin waayay raashinkii uu u baahna..

Maroodiyaashan iyo xayawaanka kale ee la gumaaday ayaa hadda

sanad kasta lagu xusaa oo laguna xusuustaa xero xayawaan oo qurux badan oo dalkaasi ku taalla. Qoraaga Tsukiya ayaa sheegay in qisaskan uu u qoray si ay caruurtu u ogaadaan cabsida iyo murugada uu keeno dagaalku.

Dr. Betsy Hearne oo ah macalin sare oo jaamacadaha Japan waxa ka dhiga ayaa yidhi :” Xaqiiqdii sheekadu waa mid caan ah, sida Yukio Tsuchiya uu usoo bandhigay ” The Elephants of Faith ”. waxayna muujinaysaa  Dabeecadda dhabta ah ee Xayawaanka, Dadka, iyo Dagaalka sida ay isu saameeyaan oo amaan xumidu ay u keenayso in meel kasta ay taabato. Iyo sida waliba uu yahay dagaalku mid khasaare joogta ah ku keena bulshada.

Leave a Reply