Arabsiyo (Dawan) Hal qof ayaa ku dhintay shan kalena way ku dhaawacmeen shil baabuur oo ka dhacay degmad Arabsiyo oo 30 kiilo mitir galbeed ka xigta magaalada Hargaysa.
Sarkaal ka tirsan ciidanka nabadgelyada waddooyinka Somaliland, ayaa sheegay in uu shilku ka dhashay kadib markii ay isku dhaceen saddex baabuur.
Waxaanu yidhi.”Halkan waxaa ka dhacay shil xun saddex gaadhi ayaa isku dhacay, hal dirawal wuu dhintay, shan qof na waa dhaawac culus, Isbitaalka Arabsiyo ayay yaalaan” ayuu yidhi. “waxa isku dhacay gaadhi Nooha ah, gaadhi Abaandhuule ah iyo gaadhi Dhayne ah”.
Ciidamada booliiska ayaa goobta soo gadhay kadib markii uu shilku dhacay, iyadoo dhaawacana lagu dabiibayo Isbitaalka Arabsiyo.