Jamaahiirta Kubadda Cagta oo u Codeeyey 25-ka Ciyaartoy ee ugu Wanaagsanaa Illaa Sannadkii 2000

Qarnigan 21aad ee kasoo bilaabmay sannadkii 2000, waxa dunida soo maray ciyaartooyo tiro badan oo cajiib ah oo ay qaarkood kusoo jireen garoomada illaa dhamaadka sannadihii ugu dambeeyey qarnigii hore ee 20aad.

Ciyaartoyda sida Ronaldinho, Zinedine Zidane, Cristiano Ronaldo, Ronaldo Nazario, Lionel Messi, Paulo Maldini iyo kuwo kale oo badan ayaa wacdaro ka dhigay garoomada oo ay taageereyaashu ku raaxaysteen bandhiggooda cajiibka ahaa.

Liisku waa dheer yahay oo ma dhamaanayo, se hadda waxa qiimaynta 25kii ciyaartoy ee ugu fiicnaa loo daayey oo u codeeyey taageereyaasha kubadda cagta, iyaga oo ku salleeyey guulaha iyo wacdarihii ay ka dhigeen garoomada.

Afti laga qaaday taageereyaasha kubadda cagta ayaa waxa liiska 25ka ciyaartoy ee ugu wanaagsanaa qarnigan lagaga dhex waayey ciyaartoyda ay ka mid yihiin Zlatan Ibrahimovic, Francesco Totti, Frank Lampard, Steven Gerrard, Paul Scholes, Wayne Rooney, Rivaldo, Andriy Shevchenko, Luis Figo, Raul iyo Fabio Cannavaro.

Hase yeeshee waxa kaalinta koowaad soo galay halyeyga reer Brazil ee Ronaldo Nazario oo aanu shaki ku jirin in haddii uu ka badbaadi lahaa dhaawacyadii tirada badnaa ee uu sannadaha garoomada ugu fadhiyey, inuu ka mid noqon lahaa xiddigaha ugu fiican ee abid dunida lagu arkay.

Si lama filaan ah, Cristiano Ronaldo ayaa kaalinta labaad usoo galay oo ay taageereyaasha kubadda cagtu ugu codeeyeen, halka uu saddexaad u dhacay Lionel Messi.

Ronaldinho ayaa soo cidhiidhsaday kaalinta afraad, halka Zinedine Zidane uu ku jiro shanaad, waxaanu ka horreeyaa Andres Iniesta iyo Xavi Hernandez oo kusii xiga.

Halkan kaga bogo 25ka ciyaartoy ee ugu fiicnaa qarnigan 21aad ee ay taageereyaashu soo xusheen:

25. Clarence Seedorf
26. Alessandro Del Piero
27. Samuel Eto’o
28. Patrick Vieira
29. Carles Puyol
30. Andrea Pirlo
31. Kaka
32. Roberto Carlos
33. Edgar Davids
34. Arjen Robben
35. Phillip Lahm
36. Iker Casillas
37. Cafu
38. Gianluigi Buffon
39. Alessandro Nesta
40. Dennis Bergkamp
41. Thierry Henry
42. Paolo Maldini
43. Xavi
44. Andres Iniesta
45. Zinedine Zidane
46. Ronaldinho
47. Lionel Messi
48. Cristiano Ronaldo
49. Ronaldo Nazario