Hargeysa( Dawan) Hay,ada Qaxoontiga iyo Barakacayaasha ayaa shalay deeq raashina u qaybisay 836 qoys oo iskugu jira dadka danyarta iyo Barakacayaasha ee ku dhaqan Magaalada Hargeysa.
Agaasimaha Waaxda Barakacayaasha ee Hay,ada Qaxoontiga iyo Barakacayaasha Maxamuud Yuusuf Cali ayaa waxa uu sheegay in qaybinta Raashinkan ay iska kaashadaeen Hay,adda Islamic Relief.Waxaana uu yidhi”Waxa raashinkan u qaybinaynaa dad Barakacayaala oo ka tirsan Kaamka Malawle oo tiradoodu dhan tahay 424 qoys,sidoo kale waxa ka faa,iidaysanaya 412 qoys oo dadka nugul sida Caruurta iyo Naafada.waxaana tiradoodu dhantahay guud ahaan 836 qoys oo Raashin la siinayo waxa kale oo dheer afar kaam oo Barakacayaala iyaga lacag la siin doono,waxaana iska kaashaday Hay,ada Qaxoontiga iyo Barakacayaasha iyo Hay,adda Islamic Relief,”.
Sidoo kale Madaxa Hay,adda Islamic Relief ee Somaliland Maxamed Cawil oo isaguna halkaa ka hadlay ayaa waxa uu sheegay in Raashinkan ugu talogaleen in ay loo qaybiyo qoysaska danyarta iyo Barakacayaasha ee ku dhaqan Magaalada Hargeysa.waxaana uu uga mahadnaqayo Hay,ada Qaxoontiga iyo Barakacayaasha qaybinta Raashinkan.